सामाजिक न्याय र समानता पक्षमा सीता रसाइलीको नयाँ तीज गीत
प्रकाशित मिति : १२ श्रावण २०७७, सोमबार
पत्रकार एवं गायिका सीता रसाइलीको नयाँ तीज गीत ‘वर्षदिन बितेको’ सार्वजनिक भएको छ । सामाजिक न्याय र समानता पक्षमा उनको दृढ़ संकल्प सहित उनको गीतले अहिले चर्चा बटुलिरहेको छ ।
खाने, लाउने र तडक भडक देखाउने होडबाजीमा तीज पर्व दुरुपयोग भइरहेको चर्को टिका टिप्पणीकाबिच तीजलाइ समाज रुपान्तरणको खुड्किला बनाउन सकिन्छ भन्ने एउटा अभियान पूरा भएको उनी बताउँछिन् । जातीय जालो हटाउन, जातीय जंजीर तोड्न, जातीय जाँतोको दलन फोर्न र मानव अधिकारको सन्देश दिन सार्वजनिक गरिएको गीत डा. मोम विश्वकर्माले प्रस्तुत गरेका हुन । गीतमा चर्चित संगीतकार विवि अनुरागीको संगीत छ ।
शंकर विसीले निर्देशन गरेको म्युजिक भिडियोमा अन्जली अधिकारीको विशेष अभिनय छ भने बन्दना नेपाल र उत्सब घिमीरे लगायतको अभिनय छ। भिडियोको नविन घर्ति मगरले सम्पादन गरेका हुन् ।