KHASOKHAS ON GOOGLE NEWS CoronaVirus Fact Checking CoronaVirus News Update CoronaVirus: Stories of Hope CoronaVirus Resource Center File UI or PUA Claim Donate to Khasokhas KHASOKHAS E-MAGAZINE

१३ हजार कर्मचारीलाई बेतलवी विदा दिने युएससीआईएसको योजना अगस्तभर स्थगित

प्रकाशित मिति : श्रावण ९, २०७७ शुक्रबार

अगस्त ३ देखि २० हजारमध्ये झण्डै १३ हजार कर्मचारीहरुलाई बेतलवी विदा दिने तयारीमा रहेको युएससीआईएस यो योजना अगस्त ३१ सम्म स्थगित गर्न सहमत भएको छ । बजेट अभाव भएको भन्दै युएससीआईएसले अगस्त ३ देखि आफ्ना अधिकांश कर्मचारीहरुलाई बेतलवी विदा दिने तयारी गरेको थियो ।

डेमोक्रेटिक सिनेटर पेट्रिक लेहीका अनुशार युएससीआईएसलाई कर्मचारीलाई विदा दिने योजना पछाडि सार्न भनिएकोमा युएससीआइएस सहमत भएको छ । युएससीआईएसका कार्यकारी निर्देशक जोसेफ एड्लोले कर्मचारीलाई दिन लागिएको बेतलवी विदा पछाडि सारिएको पुष्टी गरेका छन् ।

युएससीआईएसले संसद समक्ष १ दशमलव २ बिलियन डलरको माग गरेको छ । तर संसदबाट अहिलेसम्म उक्त बजेट पारित गरिसकिएको छैन ।

यसैबीच बजेटका मामलाका कारण युएससीआईएसमा ग्रिनकार्ड र अन्य कागजात जारी गर्नमा ब्याकलग उत्पन्न भएको युएससीआईएसको लोकपालले जारी गरेको अलर्टमा जनाइएको छ । जुन महिनामा युएससीआईएसको ग्रिनकार्ड, वर्क परमिट लगायतका कागजात प्रिन्ट गर्ने क्षमतामा भारीमात्रामा कमी आएको थियो ।

Loading...

ग्रिनकार्ड र वर्क परमिट प्रिन्ट गर्ने कम्पनीसँगको सम्झौता समाप्त भएपछि दशौं हजार ग्रिनकार्ड र वर्क परमिटमा प्रिन्टमा समस्या आएको जनाइएको छ । अलर्ट अनुशार युएससीआईएसले उक्त कामका लागि संघीय कर्मचारीहरु नियुक्त गर्ने योजना बनाएपनि बजेटको अभावका कारण नियुक्तीको काम रोकिएको छ भने ग्रिनकार्डको प्रिन्टमा ढिलाई भएको छ ।

अहिले अत्यन्तै सिमितमात्रामा ग्रिनकार्ड र वर्क परमिटहरु प्रिन्ट भइरहेको युएससीआइएसका प्रवक्ताले बताएका छन् । अहिले युएससीआईएसले १० हजारको हाराहारीमा कार्डहरु उत्पादन गरिरहेको जनाईको छ । प्रवक्ताका अनुशार अहिले झण्डै १ लाख १५ हजार ग्रिनकार्ड र वर्क परमिटहरु छाप्नमा ब्याकलग कायम रहेको छ ।

Loading...

ग्रिनकार्ड प्रतिक्षामा रहेकाहरुले आफ्नो स्थायी बासिन्दाको अध्यागमन अवस्था पुष्टी गर्न ग्रिनकार्ड नआउन्जेलसम्मका लागि पासपोर्टमा युएससीआईएसबाट छाप लगाउनका लागि आग्रह गर्नसक्ने युएससीआईएसले जनाएको छ । अद्यावधिक पासपोर्टमा लगाइने उक्त छापले अस्थायी रुपमा ग्रिनकार्डको काम गर्नेछ ।

भिडियो हेर्नुहोस्

थप रोचक शीर्षकहरु

KHASOKHAS TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar
© 2012-2020 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com
WP2Social Auto Publish Powered By : XYZScripts.com