पार्किङ लट, चौर र ड्राइभ थ्रुबाटै बाँडिदै अमेरिकी नागरिकता (फोटो फिचर)
प्रकाशित मिति : श्रावण ४, २०७७ आईतबार
कोरोनाको महामारीका कारण अमेरिकी सरकारको युएससीआईएसले पार्किङ लट, चौर र ड्राइभ थ्रुबाटै नागरिकता वितरण गरिरहेको छ । हलमा गरिएका नागरिकता वितरण समारोहहरु पनि सानो संख्यामा र सामाजिक दुरी कायम गरेरमात्र गरिएको छ ।
जुनदेखि खुलेको युएससीआईएसले अहिले सबै आवेदन स्वीकृत भएर नागरिकता पाउन बाँकी रहेकाहरुलाई ससाना समारोहहरु गरेर नागरिकता वितरण गरिरहेको छ । यसरी बाँकी रहेकाहरुलाई जुलाईभरीमा नागरिकता वितरण गरिसक्ने युएससीआईएसको लक्ष्य रहेको छ ।
क्यालिफोर्निया लगायतका कैयन स्थानमा नागरिकता वितरण र सपथ ड्राइभ थ्रु मार्फत समेत गरिएको छ । नागरिकता प्राप्त गर्ने व्यक्ति गाडीबाटै बाहिर ननिस्केर सपथ लिने र नागरिकताको प्रमाण पत्र ग्रहण गर्ने गरेको युएससीआईएसले जनाएको छ ।
त्यस्तै पार्किङ लट र खुला चौरमा समेत नागरिकता वितरण कार्यक्रमहरु भएका छन् ।
देसमोनिसको फिल्ड अफिसले पार्किङ लटमै नागरिका वितरण समारोह गरेको थियो । त्यस्तै शान डिएगोमा पनि पार्किङ लटमै नागरिकता वितरण समारोह गरिएको छ ।
फोटो : युएससीआईएस