नेपालीलाई सघाउने न्युयोर्क मेयरका सम्भावित उम्मेदवार आडम्सलाई नेपालीको स्वागत
प्रकाशित मिति : असार २६, २०७७ शुक्रबार
नेपाली टोपीमा एरिक आडम्स
नेपाली समुदायलाई विभिन्न तरिकाले सहयोग गर्दै आएका न्युयोर्क सिटीको मेयरका सम्भावित उम्मेदवार तथा बु्रकलिन बोरो प्रेसिडेण्ड एरिक आडम्सलाई नेपाली समुदायका तर्फबाट पनि इन्डोर्स गरिएको छ । एरिक आडम्सले न्युयोर्क सिटीको मेयरका लागि अर्को बर्ष हुने चुनावमा उम्मेदवारीको तयारी गरेका छन् ।
नेपाली समुदायका अग्रणी व्यक्तित्व आनन्द बिष्टको निवासमा एरिक आडम्सको स्वागतका साथै फण्डरेज कार्यक्रम समेत गरिएको थियो । कार्यक्रममा सहभागी नेपालीहरुले आडम्सको फण्डरेजमा सहयोग गरेका थिए ।
नेपाली टोपी लगाइदिएर एरिक आडम्सलाई नेपाली समुदायका तर्फबाट मेयर पदको उम्मेदबारीका लागि इन्डोर्स गरिएको थियो । आडम्स डेमोक्रेटिक पार्टीका नेता हुन् । नेपाली समुदायका सुखदुखका साथी एरिक आडम्सलाई नेपाली समुदायको पूर्ण साथ र समर्थन रहने आनन्द बिष्टले बताए ।
नवराज केसी, संजय थापा, राजकुमार बिष्ट, खाम भट्ट, विष्णुरानामगर, मिलन शाही लगायतको सकृयतामा कार्यक्रम गरिएको थियो । एरिक आडम्सले कोरोनाको महामारीका बेलामा समेत न्युयोर्कको नेपाली समुदायलाई मास्क, ग्लोभ्स लगायतका सामाग्रीहरु उपलब्ध गराएर सहयोग गरेका थिए ।
