KHASOKHAS ON GOOGLE NEWS CoronaVirus Fact Checking CoronaVirus News Update CoronaVirus: Stories of Hope CoronaVirus Resource Center File UI or PUA Claim Donate to Khasokhas KHASOKHAS E-MAGAZINE

अर्घाखाँचीमा दुरी कायम राख्दै चौरमा पठन-पाठन

प्रकाशित मिति : असार १५, २०७७ सोमबार

– सुरज घिमिरे

लामो समयदेखिको लकडाउनका कारण प्रभावित विद्यार्थीहरुका लागि सरकारले असार १ गतेदेखि रेडियो र टेलिभिजनबाट पढाउन सुरु गरेको छ । तर, ग्रामीण भेगमा विद्यार्थीको सिकाइका लागि रेडियो, टेलिभिजन र अनलाईन कार्यक्रम प्रभावकारी नदेखिएपछि अर्घाखाँचीको सन्धिखर्कस्थित पकलेमा रहेको जनता कृष्ण माविले भने विद्यार्थीहरुलाई खुला आकाश मुनी चौरमा राखेर पठन-पाठन सञ्चालन गरेको छ ।

कोरोना महामारीका कारण पठन–पाठन अनिश्चित भएपछि विद्यालयले विद्यार्थीहरुलाई सामजिक दुरी कायम राख्दै मास्क र स्यानिटाइजरको प्रयोग गरेर खुल्ला चौरमा राखेर पठन–पाठनसँगै कोरोना सचेतनाका जगाएको विद्यालयका प्रधानाध्यापक नारायणप्रसाद पौडेलले बताए । तीन महिनादेखि घरमै रहेका विद्यार्थीहरुको स्मरणशक्तिमा ह्रास आएको भन्दै खुल्ला चौरमा राखेर पठन–पाठन र कोरोना सम्बन्धी आवश्यक शिक्षा र परामर्श दिने गरेको प्रधानाध्यापक पौडेलले जानकारी दिए । लामो समय विद्यालय जान नपाएर अन्यौलमा परेका विद्यार्थीहरु खुल्ला चौर भए पनि पढ्न पाउँदा भने खुशी छन् । नयाँ शैक्षिक सत्रको सुरुवातसँगै दुरी कायम गरी पठन–पाठन सञ्चालन गरिएको र विद्यार्थी र शिक्षकलाई पायक पर्ने गरी फरक–फरक स्थानमा राखेर विद्यार्थीहरुको पठन–पाठन भइरहेको विद्यालयका शिक्षक प्रकाश भुसालले बताए ।

कक्षा- १ देखि ९ सम्म अध्ययनरत् विद्यार्थीलाई पहिलो चरणमा दिनमा दुईदेखि तीन घन्टा चौरमा सामाजिक दूरी कायम गर्दै पठन–पाठन सञ्चालन गरिएको भुसालले जानकारी दिए । वर्षा भएको समयमा भने कक्षा बन्द रहनेछ । तत्काल विद्यालय खोल्न सक्ने वातावरण नभए पछि विद्यालय व्यवस्थापन समिति, शिक्षक र कर्मचारीको सहमतीमा विद्यालयले वैकल्पिक विधिबाट पठन–पाठन सुरु गरेको विद्यालयले जनाएको छ ।

Loading...

विद्यालयमा नयाँ शैक्षिक सत्रका लागि विद्यार्थी समेत भर्ना भएका छन् । उनीहरूलाई किताब वितरण गरिएको छ । एउटा समूहमा २० जना विद्यार्थी राखेर अध्ययन भएको छ । नगरपालिकासँग समन्वय गरी जिल्लामा पहिलोपटक आफ्नो वडाबाट पठन–पाठनको सुरुआत गरिएको सन्धिखर्क नगरपालिका–८ का अध्यक्ष ईश्वरीप्रसाद भुसालले बताए ।

भिडियो हेर्नुहोस्

Loading...

थप रोचक शीर्षकहरु

KHASOKHAS TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar
© 2012-2020 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com
WP2Social Auto Publish Powered By : XYZScripts.com