Follow @khasokhasmag

नेपाल सरकारको गैर आवासीय नेपाली सल्लाहकारमा खगेन्द्र क्षेत्री नियुक्त


प्रकाशित मिति : चैत्र ३१, २०७३ बिहीबार

नेपाल सरकार परराष्ट्र मन्त्रालयले अमेरिकामा पुगेर वकालत गर्ने पहिलो नेपाली वकिल हुन् खगेन्द्र क्षेत्रीलाई गैर आवासीय नेपाली अवैतानिक सल्लाहकारमा नियुक्त गरेको छ । एनआरएन अमेरिकाका निर्बतमान अध्यक्ष तथा बर्तमान आईसीसी सदस्य समेत रहनु भएका क्षेत्रीलाई मन्त्री स्तरीय निर्णयबाट अवैतानिक सल्लाहकारमा नियुक्त गरेको मन्त्रालयले जनाएको छ । यो पद पहिलोपटक सृजना गरिएको हो भने यसको पदावधी तोकिएको छैन ।

मन्त्रालयबाट क्षेत्रीलाई दिइएको पत्रमा परराष्ट्र मन्त्रालयको क्षेत्राधिकार अन्तर्गत पर्ने कानुनी तथा नीतिगत बिषयमा गैर आवासीय नेपाली संघ एवं अन्य विदेशस्थीत नेपाली संस्थासँग समन्वय गरी परामर्श दिन समेत सल्लाहकारमा नियुक्त गरेको मन्त्रालयले जनाएको छ । क्षेत्रीले राष्ट्रिय तथा अन्तराष्ट्रिय रुपमा आर्जन गरेको कानुन सम्बन्धीको ज्ञानलाई नेपाल सरकारले कदर गर्दै नियुक्त गरेको समेत जनाएको छ ।

पराराष्ट्र मन्त्रालयले बिदेशमा नेपालीको संख्या बढेसंगै पहिलो पटक एनआरएन सल्लाहकार नियुक्त गरेको हो । मन्त्रालायले आफुलाई सल्लाहकारमा नियुक्त गरेपछि खुशी ब्यक्त गर्दै उहाँले नेपाल सरकार, परारष्ट्र मन्त्री, मन्त्रालय, सचिव, लगायत सबैमा हार्दिक आभार ब्यक्त गर्नुभएको छ । क्षेत्रीले आफुले एनआरएनको बर्तमान नेतृत्व लगाएत सबै क्षेत्रका बिज्ञहरुलाई साथमा लिएर सरकारलाई उचित परामर्श दिने बताउनुभएको छ ।

बिश्वबिख्यात कोलम्बीया बिश्वबिद्यालयबाट एलएलएम र फोरधाम युनिभर्सीटीबाट जेडि गरेका क्षेत्री न्यूयोर्क, क्यालिफोर्निया , टेक्सास र नेपालमा समेत क्षेत्री एण्ड एशोसिएट्स नामक ल फर्म सञ्चालन गरेर कानुनी सेवामा सकृय हुनुहुन्छ ।

अमेरिकामा रहेर तिन दशक भन्दा लामो समय कानुनी पेशामा सकृय रहनुका साथै समाजसेवामा समेत लागेका क्षेत्री अमेरिकाको सुपर लयर समेत हुनुहुन्छ । क्षेत्रीको नियुक्तसंगै अमेरिकामा रहेका नेपाली समुदायका अगुवाहरुले खुशी ब्यक्त गरेका छन् । क्षेत्रीको नियुक्तीको खबरलाई अत्यन्तै हर्षित बनाएको बन्दै जनसपम्र्क समिति अमेरिकाका सभापति आनन्द बिष्टले उंहाको नियुक्तीले गैर आवासीय नेपालीको अधिकार नयां सबिंधानमा थप सुरक्षित हुने विश्वास ब्यक्त गरेका छन् ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com