Follow @khasokhasmag

अन्तरघातलाई निर्मुल पानूपर्ने कांग्रेस शिर्ष नेताको भनाई


प्रकाशित मिति : चैत्र ३१, २०७३ बिहीबार

नेपाली कांग्रेसका शिर्ष नेताहरुले कांग्रेसलाई आफ्नै पार्टीभित्रकाले हराउने भएकाले अन्तरघातलाई निर्मुल पानुपर्ने बताएका छन् ।
पोखरामा बुधबार आयोजित प्रदेश नम्बर ४ स्तरीय आमसभालाई सम्बोधन गर्दै कांग्रेसका शिर्ष नेताहरुले आगामी निर्वाचनमार्फत कांग्रेसलाई कांग्रेसले हराउने प्रबृतिको अन्त्य गर्नुपर्ने बताएका हुन् ।

सभापति शेरबहादुर देउवाले अन्तरघात र विद्रोह कांग्रेसभित्रको रोग भएकाले त्यस्तालाई कडा कारवाही गर्ने चेतावनी दिनुभयो । आगामी निर्वाचनमा पार्टीभित्र अन्तरघात गर्नेलाई कडाभन्दा कडा कारवाही गरिने उहा“ले स्पष्ट पार्नुभयो ।

सभापति देउवाले स्थानीय निर्वाचनका लागि उम्मेदवार छनौट गर्दा स्थानीयस्तरमै अत्याधिक सहमति जुटाएर नाम सिफारिस गर्न सुझाव दिनुभयो । तेरो मेरो मान्छे भन्दापनि जित्ने उम्मेदवारलाई टिकट दिने र पार्टीले छनौट गरेको उमेदवारलाई एकमतले साथ दिनुपर्ने उहा“को निर्देशन छ । उम्मेदवार छनौटका लागि केन्द्रबाट सर्कुलर पठाउने समेत उहाले स्पष्ट पार्नुभयो ।

पार्टी बरिष्ठ नेता रामचन्द्र पौडेलले कांग्रेसलाई अरुले हराउने नसक्ने तर कांग्रेसले कांग्रेसलाई हराउने प्रबृति प्रति आपत्ती जनाउनुभयो । उहाले निश्पक्ष ढंगले पार्टीलाई योगदान दिने र जित्ने संभावना भएकालाई उम्मेदवार बनाउनुपर्ने बताउनुभयो । महामन्त्री डाक्टर शशांक कोइरालाले कांग्रेसभित्रकै अन्तरघातले पार्टी विजयबाट चुक्ने भएकालाई आफ्ना उम्मेदवारबिरुद्ध बागी उठ्नेलाई पार्टीबाटै निश्काशन गर्नुपर्ने बताउनुभयो ।

वाइट गृहमन्त्रीसमेत रहेका कांग्रेस नेता बिमलेन्द्र निधिले एमालेका शिर्ष नेताहरुले पूर्व राजास“ग साइनो जोडेको आरोप लगाउनुभयो । आगामी निर्वाचनका लागि एमालेको दोहोरो चाल खतराको रुपमा रहेको उहाले बताउनुभयो । आमसभामा पार्टी पूर्व महामन्त्री कृष्ण प्रसाद सिटौला, पूर्व सभामुख तारानाथ रानाभाट, नेताहरु गोपालमान श्रेष्ठ, शारदा पौडेल , अर्जुन जोशी लगायतले स्थानीय तहको निर्वाचनमा कांग्रेसलाई जिताउने गरी तयारीमा जुट्न कार्यकर्तालाई आग्रह गरेका थिए ।

 

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com