सन्धिखर्क-गोरुसिङ्गे सडक ५ दिनपछि सुचारु
प्रकाशित मिति : असार ९, २०७७ मंगलबार
![](https://i0.wp.com/www.khasokhas.com/wp-content/uploads/2020/06/105971739_3015891338458906_3438998860142106426_n.jpg?fit=1885%2C1000&ssl=1)
लगातारको वर्षासँगै सडकमा झरेको पहिरोले अवरुद्ध सन्धिखर्क–गोरुसिङ्गे सडक ५ दिनपछि सुचारु भएको छ । सडकभन्दा करिब २५० मिटर माथिबाट खसेको पहिरो करिब १०० मिटर लामो सडकमा फैलिदाँ अवरुद्ध बनेको सडक स्काभेटर तथा डोजर प्रयोग गरी हटाइएको प्रमुख जिल्ला अधिकारी विजयराज पौडेलले बताए ।
सन्धिखर्क–गोरुसिङ्गे सडकखण्ड अन्तर्गत नरपानी र खाँचीखोला आसपासमा खसेका पहिरोका कारण ५ दिनसम्म बाटो अवरुद्ध हुँदा आवागमन ठप्प भएको थियो । पहिरो हटेपछि रोकि राखेका सवारीसाधनहरु गन्तव्यतर्फ लाग्न थालेका जिल्ला प्रहरी कार्यालय अर्घाखाँचीका प्रहरी नायव उपरीक्षक माधव बुढाथोकीले बताए ।