Follow @khasokhasmag

म तपार्इंहरुको प्रिय महानिरीक्षक बन्ने प्रयास गर्नेछुः प्रहरी महानिरीक्षक


प्रकाशित मिति : चैत्र २९, २०७३ मंगलबार

प्रहरी महानिरीक्षक प्रकाश अर्यालले सङ्क्रमणकालको आवरणमा शान्ति–सुव्यवस्थामा खलल पार्ने कुनै गतिविधि क्षम्य नहुने बताउनुभएको छ ।

महानिरीक्षक भएपछि आज प्रहरी मुख्यालयमा मातहतका प्रहरी अधिकारीसमक्ष प्रतिबद्धता मन्तव्य व्यक्त गर्दै महानिरीक्षक अर्यालले संविधान बनेसँगै स्थानीय तहको निर्वाचन र संविधान कार्यान्वयन गर्नका लागि आवश्यक अभिभारा पूरा गर्न प्रहरी सङ्गठनले आफ्नो भूमिकामा कुनै कसर बाँकी नराख्ने प्रतिबद्धता व्यक्त गर्नुभयो ।

सङ्गठनको व्यावसायिकता र प्रभावकारिता बढाउने आफ्नो प्राथमिकता रहेको बताउँदै उहाँले भन्नुभयो, “म तपार्इंहरुको प्रिय महानिरीक्षक बन्ने प्रयास गर्नेछु । जुनसुकै दर्जाका प्रहरी कर्मचारीको गुनासो सुन्न सक्ने गरी अभिभावकीय भूमिका निर्वाह गर्नेछु ।” अवाञ्छित गतिविधि गर्नेलाई कारबाहीको दायरामा ल्याइने दृढता व्यक्त गर्दै त्यसमा कसैको प्रभाव र दबाब स्वीकार नगर्ने प्रतिबद्धता उहाँले व्यक्त गर्नुभयो ।
सहकर्मीलाई साथै लिएर जान्छु

प्रहरी महानिरीक्षक अर्यालले साङ्केतिक रुपमा आफ्नो प्रतिस्पर्धी रहेकाहरुलाई एकताबद्ध भएर काम गर्न आग्रह गर्नुभयो । उहाँले भन्नुभयो, “नेतृत्वमा प्रतिस्पर्धा हुनु प्रकृतिको नियम हो, प्रतिस्पर्धा भइसकेपछि दौडमा एक जना मात्रै पहिलो हुन्छ, प्राकृतिक कुरालाई अरुले स्विकार्न सक्नुपर्छ ।”

आफ्ना सहकर्मीलाई साथमा लिँदै गुनासो मत्थर गर्न आफूले सक्दो पहल गर्ने उहाँको भनाइ छ । उहाँले भन्नुभयो, “म र मेरो भावनाभन्दा माथि उठी एकताबद्ध भएर अघि बढ्न मेरा सहकर्मी र समकक्षीलाई आग्रह गर्छु ।”

कार्यक्रममा महानिरीक्षक अर्याललाई स्वागत तथा बधाई दिँदै यसअघि निमित्त महानिरीक्षकको जिम्मेवारी सम्हाल्नुभएका डा दिनेशचन्द्र पोेखरेलले प्रहरी सङ्गठनमा अनुशासन र ‘चेन अफ कमान्ड’ खुकुलो बन्दै गएको गुनासोलाई नयाँ महानिरीक्षकले विशेष रुपमा लिन आग्रह गर्नुभयो । सो अवसरमा प्रहरीको एक टुकडीले महानिरीक्षक अर्याललाई सम्मान गारत अर्पण गरेको थियो । रासस

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com