Follow @khasokhasmag

अमेरिकामा रहेका नेपाली इन्जिनियरको दशौँ वार्षिक भेला भर्जिनियामा


प्रकाशित मिति : चैत्र २७, २०७३ आईतबार

– समुन्द्र कार्की

अमेरिकामा रहेका नेपालीमूलका इन्जिनियरहरुको संस्था अमेरिकन सोसाइटी अफ नेपाली इन्जिनियर्सको दशौं वार्षिक भेला भर्जिनियामा हुने भएको छ । आगामी जुन २४ र २५ मा मनाससको बेष्ट वेस्टर्न ब्याटलफिल्ड इनमा भेला हुन लागेको हो ।

‘भोलिका लागि इन्जिनियरिङमा आबिष्कार र वैज्ञानिक ज्ञान’ भन्ने मुल नाराका साथ गर्न लागिएको वार्षिक भेलामा वैज्ञानिक, इन्जिनियर र कम्प्युटर प्रविधिको क्षेत्रमा कार्यरत व्यक्तिहरु तथा विद्यार्थीहरुले आआफुले गरेका अध्यायन अनुसन्धान र सिकेका शीपको अनुभव साटासाट गर्नेछन् ।

यस बाहेक विभिन्न विश्वविद्यालयहरुमा इन्जीनियरिंग र कम्प्युटर प्रविधि विषयमा अध्यनरत विद्यार्थीहरुले स्टुडेन्ट पोष्टर कम्पिटिसनमा समेत भाग लिन सक्नेछन् । कार्यक्रमको लागि कार्यपत्र आव्हान सम्वन्धी सूचना यस अघि नै पठाईएको थियो । विस्तृत जानकारीको लागि asnengr.org मा हेर्न सकिने र [email protected] मा ईमेल गर्न सकिनेछ ।

अमेरिकाको विभिन्न राज्यमा अध्यायन गरेर बसिरहनु भएका र आफ्नो पेशागत कामको खोजीमा रहनुभएका महानुभावहरुको लागि यो सम्मेलन आफ्नो पेशागत संजाल विस्तार गर्ने सुनौलो अवशर सावित हुने विश्वास गरिएको छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com