Follow @khasokhasmag

एमडीसि युएसए २०१७ नृत्य प्रतियोगिताको भब्य तयारी,नायक दिलिप रायमाझी निर्णायक


प्रकाशित मिति : चैत्र २५, २०७३ शुक्रबार

 

विजय थापा,वाशिंगटन डिसी

अमेरिकामा गत बर्ष देखि संचालनमा आएको मेरो डान्स कप युएसए २०१७ नामक प्रतियोगिता यस बर्ष पनि हुने भएको छ l एमडीसी नाम बाट लोकप्रिय भएको उक्त कार्यक्रम आगामी अप्रिल २८ ,२०१७ देखि प्रारम्भ हुने छ l

गत बर्ष अपार सफलताको साथ सम्पन्न भएको उक्त प्रतियोगिताको शृंखला को अडिसन (प्रस्तुति परीक्षण ) अनलाइन(बिधुतिय )बाट अप्रिल २८ तारिखमा पहिलो शृंखला हुने भएको छ l यसै गरि शृंखला ६ देखि मतदान/प्रत्यक्ष चरण जुलाई ८ तारिख देखि हुने छ l गत अप्रिल २ तारिख देखि आवेदन फाराम भर्ने समय समाप्त भएको छ l

अप्रिल २८ देखि प्रारम्भ भै अन्तिम समापन (ग्रान्ड फिनाले ) अगस्त १२ तारिख शनिबार अमेरिकाको ओहायोमा हुने भएको जानकारी एमडिसी का कार्यकारी निर्देशक मणि राईले दिएका छन् l

एमडीसि युएसए कप एजे स्टुडियोको एउटा बार्षिक रुपमा संचालनमा रहेको सामुदायिक कार्यक्रम हो l अमेरिकामा रहेका नेपालीहरुको पहलमा आयोजना हुने मेरो डान्स कप युएसए अमेरिका भरका प्रतिभाशाली नृत्यांगना (डान्सर )हरुले अवसर पाउने एक बृहत नृत्य प्रतियोगिता हो l

अमेरिका राष्ट्र भर बिभिन्न राज्यमा छरिएर रहेका किशोर /किशोरी ,युवायुवती, नव प्रतिभा तथा कलाकारका आफु भित्र लुकेको प्रतिभालाई प्रस्फुटन गर्ने अवसर प्रदान गर्दै मंच उपलब्ध गराउनु समेत संस्थाको मुख्य उदेश्य आयोजकले बताएका छन् l

अप्रिल २८ मा पहिलो अडिसन ((प्रस्तुति परीक्षण )पछि मे ५ तारिखमा सहभागी मध्ये बाट उत्कृष्ट ४० जना छनौट हुने छन् l जुलाई २८ तारिखमा उत्कृष्ट ५ जना मतदान द्वारा छनौट हुने छन् भने अगस्त १२ तारिखमा प्रथम देखि पाचौ स्थान सम्म बिजेताको घोषणा गरिने छ l

मेरो नृत्य कप युएसए को प्रमुख लक्ष्य विविध समुदायमा रहेको हाम्रो समृद्ध सांस्कृतिक,परम्परागत कला, मनोरंजन, संस्कृति तथा मनोरंजनको क्षेत्रमा रहेका प्रतिभाशाली शीपलाई जगेर्ना तथा संरक्षणको साथै प्रचार प्रसार गर्नु रहेको छ l

एमडीसी समुहले समर्थक,शुभ चिन्तक,श्रोता ,दर्शक तथा सबैलाई साथ दिन आग्रह गरेको छ l दर्शक तथा श्रोतालाई मतदान गर्न सरल होस् भनि एमडीसी एप (अनुप्रयोग )छिट्टै आउने तयारीमा छ l

प्रतिस्प्रद्धिका सामग्रीलाई युट्युबमा राखिनु को साथै संचार माध्यम मार्फत प्रचार प्रसार गरिने छ l एमडीसि युएसए २०१७ नृत्य प्रतियोगिताको लागि निर्णायकहरुमा नेपाली चलचित्रका नायक दिलिप रायमाझी ,डीबी गुरुङ तथा मंजु भुजेल रहने छन् l गत बर्ष २०१६ मा पुर्नी गुरुङ  विजेता बनेकी थिइन् l
बिस्तृत जानकारीको लागि आयोजकको आधिकारिक संजाल(वेब साइट ) https://www.merodancecup.com/तथा सामाजिक संजाल (फेसबुक)हेर्न सकिने जनाएको छ l

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com