फ्याक्ट चेक : कोरोनाबिरुद्ध हिन्दुमन्त्र पाठ गर्न ह्वाइटहाउसमा पुजारी बोलाइएको हो ?
प्रकाशित मिति : बैशाख २८, २०७७ आईतबार
राष्ट्रिय प्राथना दिवशको अवशरमा ह्वाइट हाउसमा कार्यक्रम आयोजना गरिएको थियो । उक्त कार्यक्रममा विभिन्न धर्म सम्बन्धित व्यक्तिलाई बोलाइएको थियो । उक्त कार्यक्रममा क्रिश्चियन, यहुदी, हिन्दु र मुस्लिम धर्मका धार्मिक व्यक्तित्वहरुले प्राथना गरेका थिए ।
कतिपय भारतीय र नेपाली संचारमाध्यमहरुले उक्त घटनालाई अमेरिकी राष्ट्रपति डोनाल्ड ट्रम्पले हिन्दु पूजारीलाईमात्र ह्वाइट हाउसमा बोलाएर शान्ति स्वस्ती पाठ गर्न लगाएको ढंगले व्याख्या गरेका छन् । तर बार्षिक रुपमा आयोजना गरिने प्राथना दिवशमा हिन्दु पूजारीमात्र नभएर क्रिश्चियन, यहुदी र मुस्लिम धर्मका व्यक्तित्वहरुले पनि प्राथना गरेका हुन् ।
हरेक बर्षको मे महिनाको पहिलो बिहिबार प्राथना दिवश मनाइन्छ । र, यो कार्यक्रम हरेक बर्ष ह्वाइटहाउसको रोज गार्डेनमा आयोजना गरिदै आएको छ । तर यो बर्षको कार्यक्रम भने विगतको तुलनामा विशेष थियो । यो बर्षको कार्यक्रममा विभिन्न धार्मिक व्यक्तित्वहरुले छुट्टाछुट्टै र विशेष प्राथना गरेका थिए ।
हिन्दु पुजारी हरिश ब्राम्भाटले शान्तिमन्त्र पाठ गरेका थिए । उनले पाठ गरेको मन्त्र यस्तो थियो :
ॐ द्यौः शान्तिरन्तरिक्षं शान्तिः
पृथिवी शान्तिरापः शान्तिरोषधयः शान्तिः ।
वनस्पतयः शान्तिर्विश्वेदेवाः शान्तिर्ब्रह्म शान्तिः
सर्वं शान्तिः शान्तिरेव शान्तिः सा मा शान्तिरेधि ॥
ॐ शान्तिः शान्तिः शान्तिः ॥
प्राथनामा उपस्थीतहरुले कोरोनाभाइरसबिरुद्ध प्राथना गरेका थिए । उनीहरुले कोरोना भाइरस लगायतका विश्वमा रहेका अन्य विपत्तिबाट मुक्ति दिलाउन भगवानसँग प्राथना गरेका थिए ।
कोरोना भाइरसको महामारी आएका कारणमात्र यो प्राथना सभा आयोजना गरिएको भने होइन । हरेक बर्षको मे महिनाको पहिलो बिहिबार आयोजना गरिने यो कार्यक्रममा यसपटक कोरोनाको महामारी हुनु संयोगमात्र हो ।
उक्त कार्यक्रमको सम्पूर्ण स्क्रीप्ट यहाँ उपलब्ध छ ।