कांग्रेस चुनावी घोषणापत्र तयारीका लागि बहसमा
प्रकाशित मिति : चैत्र २३, २०७३ बुधबार
कांग्रेसले आजदेखि घोषणापत्रमा समावेश गर्ने विषयका बारेमा केन्द्रीय सदस्य महेश आचार्यको संयोजकत्वमा जम्बो ३५ सदस्यीय घोषणापत्र तयारी समिति गठन गरेको बहस सुरु गरेको जनाईएको हो ।
पहिलो चरणमा कांग्रेसले पेशागत संगठनहरुसँग सुझाव लिएको छ भने प्राध्यापक संघ, नेपाल बार एसोसिएसन, पत्रकार महासंघ, नेपाल प्रेस युनियन, शिक्षक संघ, इन्जिनियर एसोसिएसन, मेडिकल एसोसिएसन, कलाकार संघ, कृषक संघ, बुद्धिजीवीसहित अधिकांश पेशागत संगठनसँग कांग्रेसले आज छलफल गरेको जनाईएको हो ।
छलफलमा कांग्रेसले गठन गरेको घोषणापत्र समितिका संयोजक महेश आचार्यले घोषणापत्रका मुख्य विशेषताका विषयहरु राखेर सुझावका लागि पेशागत संगठनहरुलाई आह्वान गरेका छन्।
पेशागत संगठनहरुले नेपाली कांग्रेसले विगतमा गर्न नसकेका काम र कारणहरु पनि खुलाएर घोषणापत्रमा राख्न सुझाव दिएका छन्। प्राध्यापक संघ, प्रजातान्त्रिक प्राध्यापक संघ, मेडिकल एसोसिएसन, इन्जिनियर एसोसिएसन, पत्रकार महासंघ, प्रेस युनियन र कृषक संघले सबै पेशा र व्यवसायमा लागेका मानिसहरुले अपनत्व ग्रहण गर्ने र विकासलाई प्राथमिकतामा राख्ने घोषणापत्र निर्माणका लागि सुझाव दिएका जनाईएको छ ।