प्रबुद्द ब्यक्ति समूह (इपिजी)को बैठक आजदेखि काठमाडौंमा


प्रकाशित मिति : चैत्र २३, २०७३ बुधबार

नेपाल–भारत सम्बन्धको बृहत् समीक्षा गर्न गठित प्रबुद्द ब्यक्ति समूह (इपिजी) को तेश्रो बैठक आजदेखि काठमाडौंमा सुरु भएको छ ।
राजधानीको अन्नपूर्ण होटेलमा भएको दुई दिने बैठकमा सहभागी हुन इपिजी भारत तर्फका सदस्य मंगलबार काठमाडौं आइपुगेका छन् । नेपाली पक्षको संयोजक भेषबहादुर थापाले अनुसार बैठकमा विशेषगरी नेपाल—भारत सन् १९५० को शान्ति तथा मैत्री सन्धि, पुनरावलोकनका साथै दुईमुलुकबीचको सम्बन्ध, जलश्रोत र ब्यापारका विषयमा छलफल हुने समिति सचिव यादव खनालले जानकारी दिनुभयो ।
आजबाट राजधानीमा शुरु भएको प्रबुद्द ब्यक्ति समूहको बैठक अघिल्लो दुईवटा बैठककै निरन्तरता हो । सन् १९५० को शान्ति तथा मैत्री सन्धि पुनरावलोकनलगायत सबै बिषयमा छलफल सयोजक थापाले बताउनुभयो  । हालसम्म् भएका बैठकमा भारतका तर्फबाट हालसम्म कुनै एजेन्डा प्रस्तावित गरिएका छैनन् । बैठक मार्फत नेपाल–भारत बीचको सन् १९५० को शान्ति तथा मैत्री सन्धिको धारा ५, ६ र ७ मा संशोधन गर्न चाहेको छ ।
समूहमा नेपालका तर्फबाट पूर्वराजदूत डा.भेषबहादुर थापा, एमाले सभासद् राजन भट्टराई, कानुनविद् सूर्यनाथ उपाध्याय र पूर्वमन्त्री निलाम्बर आचार्य सदस्य छन ्। त्यसैगरी भारतका तर्फबाट नेपालका लागि पूर्वराजदूत जयन्त प्रसाद, प्राध्यापकद्वय महेन्द्र पी. लामा र भुवनचन्द्र उप्रेति र भारतीय जनता पार्टीका नेता भगतसिंह कोसियारी सदस्य छन्।
नेपाल–भारत शान्ति तथा मैत्री सन्धि (सन् १९५०) लगायतका अन्य द्विपक्षीय सहमति र सन्धिबारे समूहले दुवै सरकारलाई दुई बर्षभित्र प्रतिवेदन दिनेछ ।

 

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com