Follow @khasokhasmag

एमालेमा एक जनालाई एक अवसर


प्रकाशित मिति : चैत्र २२, २०७३ मंगलबार

नेकपा एमालेले संघ, प्रदेश र स्थानीय तहको निर्वाचनमा एक व्यक्तिले एक पटक मात्र उम्मेदवारी दिन पाउने व्यवस्था गरेको छ ।

पार्टी मुख्यालय धुम्बाराहीमा सोमबार बसेको स्थायी समिति बैठकले एक व्यक्तिले एक पदमा मात्र उम्मेदवारी दिन पाउने निर्णय गरेको सचिव योगेश भट्टराईले जानकारी दिनुभयो । बैठकले उम्मेद्वार चयनको डेट लाइन पनि तय गरेको छ । निर्णयानुसार वडाले चैत ३०, गाउ“पालिका, नगरपालिका, उप–महानगरपालिकाले वैशाख ४, जिल्लाले वैशाख ७ र प्रदेशले वैशाख १० गतेभित्र उम्मेदवार चयन गरिसक्नुपर्नेछ । महानगरको उम्मेदवार भने स्थायी समितिले नै वैशाख १२ गते टुंगो लगाउने निर्णय भएको सचिव भट्टराईले जानकारी दिनुभयो ।

बैठकले पार्टी उपाध्यक्ष वामदेव गौतमको संयोजकत्वमा १५ सदस्यीय घोषणा पत्र लेखन समिति र ईश्वर पोखरेलको नेतृत्वमा १५ सदस्यीय निर्वाचन परिचालन समिति गठन गरेको छ । बैठकले सरकारले संविधानको धारा २७४ खारेज गर्ने गरी संविधान संशोधन प्रस्ताव अघि बढाउन खोजेको भन्दै आपत्ति जनाएको छ ।

यस्तो प्रस्ताव कुनै पनि हालतमा अघि बढ्न नदिने निर्णय भएको सचिव भट्टराईले जानकारी दिनुभयो ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com