डा.बाबुराम भट्टराईलगायत शीर्ष नेता पक्राउ
प्रकाशित मिति : चैत्र २०, २०७३ आईतबार
आईतबार विहान निर्वाचन अयोग घेराउ गर्न पुगेका पूर्वप्रधानमन्त्री एवं नयाँ शक्ति पार्टी नेपालका संयोजक डा.बाबुराम भट्टराईलगायत शीर्ष नेतालाई प्रहरीले पक्राउ गरेको छ ।
नयाँ शक्तिसहित ६४ दलले दलीय चुनाव चिन्ह माग गर्दै निर्वाचन आयोगमा धर्ना दिएका हुन् । जुलसससहित धर्नाका लागि अयोगको केन्द्रीय कार्यालय बहादुरभवनतर्फ अघि बढेका भट्टराईसहितका नेताहरुलाई प्रहरीले पक्राउ गरेको जनाईएको हो ।
उनीहरुलाई ट्रकमा हालेर अहिले प्रहरी कार्यालयतर्फ लगिएको जनाईएको हो ।
६४ दलको आयोजनामा आइतबार बिहान निर्वाचन आयोग घेराउ कार्यक्रम आयोजना गरिएको छ । कार्यक्रममा माओवादीका दुई पूर्वनेताहरु डा।बाबुराम भट्टराई र सीपी गजुरेल सडकमा उत्रिएका थिए ।
निर्वाचन आयोगले चुनाव चिन्ह नदिएको विरोधमा यी दलहरुले निर्वाचन आयोग घेराउ कार्यक्रममा आयोजना गरेका हुन् । यी दलहरुमध्ये केही थ्रेसहोल्डको समेत विपक्षमा छन् ।
यसैसाता सम्पन्न नयाँ शक्तिपार्टीको बैठकले एउटौ निर्वाचन चिन्हमा पार्टीलाई चुनाव लड्न नदिए निर्वाचन पनि हुन नदिने निर्णय गरेको थियो ।
यसैसाता सम्पन्न नयाँ शक्तिपार्टीको बैठकले एउटौ निर्वाचन चिन्हमा पार्टीलाई चुनाव लड्न नदिए निर्वाचन पनि हुन नदिने निर्णय गरेको थियो ।
नयाँशक्तिको सो निर्णय लगत्तै ६४ दलका तर्फबाट प्रदर्शनको आयोजना गरिएको हो । ६४ दलले सोमबार पनि यसैगरी आयोगको कार्यालय घेरेका थिए ।
