पोर्चुगलमा ७८५ मा कोरोना संक्रमण, ६ हजार ६१ मा संक्रमणको आशंका, ८०९१ निगरानीमा
प्रकाशित मिति : ६ चैत्र २०७६, बिहिबार
– हरिकृष्ण पन्थी
पोर्चुगलमा कोरोना भाइरस संक्रमितको संख्या ७८५ पुगेको छ । आजै थप १४३ मा संक्रमण पुष्टी भएपछि संक्रमितको संख्या ७८५ पुगेको हो । पोर्चुगलमा आजै २ जनाको मृत्यु भएपछि मृतकको संख्या ४ पुगेको छ ।
संक्रमितमध्ये ३८१ जना पोर्तो लगायतका उत्तरी क्षेत्रमा, ८६ जना मध्य पोर्चुगलमा, २७८ जना लिस्बोनमा, २५ जना अल्ग्राभमा, ३ जना एकोरेस, २ जना अलेन्तेजो र १ जना मदेइरामा रहेका छन् ।
थप ६ हजार ६१ जनामा कोरोना संक्रमणको आंशका गरिएको छ । तर उनीहरुको ल्याब टेस्टको रिजल्ट आइसकेको छैन । त्यस्तै ८०९१ जना अधिकारीहरुको निगरानीमा रहेका छन् ।
पोर्चुगलमा संक्रमितको पछिल्लो तथ्यांक यहाँ हेर्न सक्नुहुनेछ ।
संक्रमितहरुमध्ये ९ बर्षभन्दा कम उमेरका १७ जना, १० देखि १९ बर्षभित्रका ३९जना, २० देखि २९ बर्षभित्रका १०२ जना, ३० देखि ३९ बर्षभित्रका १४६ जना, ४० देखि ४९ बर्षभित्रका १६७ जना, ५० देखि ५९ बर्षभित्रका १२१ जना, ६० देखि ६९ बर्षभित्रका ९६ जना, ७० देखि ७९ बर्षभित्रका ५९ जना र त्योभन्दा माथिका ३८ जना रहेका छन् ।
संक्रमितमध्ये ३९० जना महिला र ३९५ पुरुष रहेका छन् । मार्च १२ सम्म पोर्चुगलमा ७८ जनामा संक्रमण पुष्टी भएकोमा त्यसयताका एकसातामा संक्रमितको संख्या ७८५ पुगेको हो । हिजो अहिलेसम्मकै सबैभन्दा धेरै १९४ मा संक्रमण पुष्टी भएको थियो ।
पोर्चुगलमा एकजना नेपालीमा कोरोना संक्रमण पुष्टी भएपछि उनीसँग सम्पर्कमा आएका नेपाली लगायत ७४ जनालाई क्वारेन्टाइनमा राखिएको छ । उनीहरुमध्ये ५ जना नेपालीमा लक्षण देखिएको जनाइएको छ ।