४७१ प्वाइन्ट हुने ८५ हजार ८ सयलाई यो बर्ष क्यानडाले पीआर दिने, यसरी १ मिनेटमा जाँच्नुहोस् प्वाइन्ट
प्रकाशित मिति : फाल्गुन २१, २०७६ बुधबार
आज क्यानडाको सरकारले ३९ सय नयाँ आप्रवासीहरुलाई पीआरका लागि छनौट गरेको छ । एक्सप्रेस इन्ट्री सिस्टम अनतरगत ४७१ भन्दा माथि स्कोर ल्याएकाहरुमध्येबाट उनीहरुलाई छनौट गरिएको हो । उनीहरुले अब क्यानडाको पीआरका लागि आवेदन दिन सक्नेछन् ।
गत फरबरी १९ मा ४७० भन्दा माथि स्कोर ल्याउनेहरुलाई समावेश गरिएपनि आज भने १ प्वाइन्ट बढाएर ४७१ स्कोर ल्याउनेहरुलाई मात्र समावेश गरिएको थियो । क्यानडाको एक्सप्रेस इन्ट्री प्रणाली दक्ष विदेशीहरु भित्राउने मुख्य कार्यक्रम हो ।
आफ्नो प्वाइन्ट जाँच्न यो लिंकमा क्लिक गरेर विवरणहरु भर्नुहोला । आफ्नो नाम भर्न आवश्यक छैन ।
एक्सप्रेस इन्ट्री प्रणालीमा समावेश हुनका लागि उमेर, शिक्षा, कामको अनुभव, भाषाको दक्षता लगायतका विषयमा निश्चित प्वाइन्ट ल्याउन जरुरी हुन्छ । गत फरबरी १९ मा ४५ सय जनालाई क्यानडाको पीआर आवेदनका लागि निमन्त्रणा जारी गरिएको थियो ।
अधिकतम प्वाइन्ट १२ सय हुने गर्छ । शिक्षा, उमेर, रोजगारको अफर लगायतका आधारमा प्वाइन्टको निर्धारण गरिन्छ ।
यदि तपाई योग्य भएको खण्डमा यो लिंकमार्फत आवेदन दिन सक्नुहुनेछ ।
आजको चिठ्ठा यो बर्षको पाँचौं हो । अहिलेसम्म योबर्षमात्र १८ हजार ७ सयलाई पीआर आवेदनका लागि निमन्त्रणा जारी गरिसकिएको छ । यो बर्ष ८५ हजार ८ सयलाई यो कार्यक्रम अन्तरगत पीआर दिने लक्ष्य राखिएको छ ।
यो कार्यक्रम अन्तरगत बर्षेनी झण्डै एकलाख पीआरका निमन्त्रणाहरु जारी गरिदै आएको छ । यसरी निमन्त्रणा पाउनेलाई ६ महिनाभित्र पीआर जारी गर्ने लक्ष्य लिइएको छ । कम स्कोर ल्याउनेहरुले प्रान्तीय कार्यक्रममा भाग लिनसक्ने समेत जनाइएको छ ।