अमेरिकाबाट देशनिकाला गरिएका कम्तीमा १३८ को एलसाल्भाडोरमा हत्या
प्रकाशित मिति : माघ २३, २०७६ बिहीबार
अमेरिकाबाट देशनिकाला गरिएका कम्तीमा १३८ जना को एलसाल्भाडोरमा हत्या भएको रिपोर्ट सार्वजनिक भएको छ । ह्युमन राइट वाचले प्रकाशित गरेको रिपोर्ट अनुशार अमेरिकाबाट एलसाल्भाडोर फिर्ता पठाइएका कम्तीमा १३८ जनाको हत्या भएको छ ।
अमेरिकाबाट फिर्ता पठाइएको केहीदिनदेखि १ बर्षभित्रमा उनीहरुको हत्या भएको जनाइएको छ । कम्तीमा ७० जनाको हत्या यौनहिंशापछि भएको जनाइएको छ ।
सन् २०१४ देखि २०१८ को बीचमा अमेरिकी सरकारले झण्डै १ लाख ११ हजार एल साल्भाडोरियनहरुलाई देशनिकाला गरेको छ । मारिनेहरुमध्ये अधिकांश गिरोह हिंशामा मारिएको जनाएको छ ।
एल साल्भाडोरमा सन् २०१५ मा ६ हजार भन्दा धेरैको गिरोह हिंशामा हत्या भएको थियो । यो मुलक विश्वमा नरसंहारको उच्च दर भएको मुलुक हो ।
यसैबीच अमेरिकामा आएर शरण खोज्ने एल साल्भाडोरियनको संख्या सन् २०१२ र २०१७ काबीचमा १ हजार प्रतिशतले बढेको छ । एसाइलम स्वीकृत हुनेहरु भने जम्मा १८ प्रतिशतमात्र रहेका छन् ।