डिभी जस्तै भर्नसकिने अमेरिकाको कामदार भिसाबारे प्राथमिक जानकारीसहित फेडलर रजिस्टरमा सुचना
प्रकाशित मिति : पुस २४, २०७६ बिहीबार
डिभी लोटरी जस्तै अनलाइनमार्फत आवेदन दर्ता गराउन सकिने अमेरिकाको कामदार भिसा एचवान बी बारे प्राथमिक जानकारी सहित अमेरिकी सरकारले आज फेडरल रजिस्टरमा सुचना प्रकाशित गरेको छ । उक्त सुचनामा कामदार भिसा एचवान बीको दर्ताको पृष्ठभूमि, दर्ता प्रणालीमा सहभागिता, दर्ताको विधि, दर्ताको अवधि र छनौट प्रकृयाबारे प्राथमिक जानकारी दिइएको छ ।
अमेरिकी सरकारले फेडरल रजिस्टरमा प्रकाशित सुचनाको पूर्ण पाठ यहाँ उपलब्ध छ ।
अमेरिकाको कामदार भिसा एच वान बीका लागि आगामी मार्च १ देखि २० सम्म डिभी लोटरी जस्तै अनलाइनबाट आवेदन दर्ता गराउन सकिनेछ ।
बार्षिक ६५ हजारको कोटा रहने उक्त कामदार भिसाका लागि अबदेखि रोजगारदाताले प्रारम्भिक आवेदनको साटो १० डलर शुल्क तिरेर विद्युतीय रुपमा दर्ता गराउनुपर्नेछ ।
युएससीआईएसले दर्ता अवधि कहिलेसम्म कायम रहने भन्नेबारे अलग्गै सुचना प्रकाशित गर्ने जनाएको छ । प्राप्त आवेदन संख्याको आधारमा कहिलेसम्म दर्ता अवधि कायम रहने भन्नेबारे युएससीआइएसले निर्धारण गर्नेछ ।
रोजगारदाताले अनलाइन एकाउन्टमार्फत दर्ता गराउनुपर्ने र त्यसको प्रकृयाबारे छिट्टै घोषणा गरिने युएससीआईएसले जनाएको छ । प्राप्त आवेदनहरु लोटरी प्रणालीमा लगेर सन् २०२० को मार्च ३१ अगाडि नै छानिएका आवेदनबारे जानकारी गराउने युएससीआईएसले लक्ष्य राखेको छ ।
अमेरिकी सरकारले गतबर्षदेखि कामदारभिसा एचवानबीमा ब्यापक परिवर्तन गरेको छ । जस अनुशार अमेरिकी डिग्री होल्डरलाई अमेरिकी डिग्री होल्डरबाहेकको कोटामा पनि समावेश हुने अवशर दिइएको छ ।
पहिलेको नियम अनुशार ६५ हजार कामदारको कोटामा अमेरिकन डिग्री नभएकाहरुमात्र सहभागी हुन पाउथें । अमेरिकन डिग्री होल्डरहरु त्यसमा मिसिन पाउँदैनथे ।
तर गत बर्षदेखि त्यो कोटामा पनि अमेरिकन डिग्री होल्डरहरु सहभागी हुन पाएका छन् । यसो हुँदा ६५ हजारको कोटामा पनि अमेरिकन डिग्री होल्डरहरु छानिन्छन् । त्यहाँ नछानिएका अमेरिकन डिग्री होल्डरहरुहरुले थप २० हजारको कोटामा पनि सहभागी हुन पाउछन् ।