नेपाल भ्रमण गर्न विश्व समुदायलाई पत्रकारले गरे आग्रह
प्रकाशित मिति : चैत्र ४, २०७३ शुक्रबार
नेपाल भूकम्पपछि सुरक्षित छ भन्ने सन्देश विहिबार बौद्धस्थित बौद्धनाथ स्तुपामा पत्रकार भेला भएर विश्वसामु दिएका छन् ।
‘प्रेस चौतारी नेपाल र मेरी नेपाल’ नामक संस्थाले संयुक्त रुपमा गरेको कार्यक्रममा भूकम्पपछि अहिले सुरक्षित रहेको हुँदा नेपाल भ्रमण गर्न विश्व समुदायलाई पत्रकारले आग्रह गरेका हुन् ।
‘खुसी नेपाल, खुसी नेपाली’ भन्ने मूल नाराका साथ भेला भएका सबै पत्रकारले ‘हाँसो अङ्कित छाता’ फहराउँदै नेपाल सुरक्षित छ भन्ने सन्देश दिएका थिए ।
सो अवसरमा प्रेस चौतारी नेपालका अध्यक्ष गणेश बस्नेतले भूकम्पपछि अन्तर्राष्ट्रिय समुदायमा नेपाल असुरक्षित र नेपाली दुःखी छन् भन्ने परेको सन्देश मेटाउन र उनीहरुलाई नेपाल आउन प्रोत्साहित गर्नका लागि कार्यक्रम आयोजना गरेको बताउनुभयो ।
कार्यक्रममा नेपाल पत्रकार महासङ्घका महासचिव उजिर मगरलगायत अन्य पत्रकारको सहभागिता थियो ।