हेलिकप्टर दुर्घटनामा परेर ताइवानका प्रधानसेनापति बेपत्ता
प्रकाशित मिति : पुस १७, २०७६ बिहीबार
file photo
आकस्मिक अवतरणका क्रममा सैनिक हेलिकप्टर दुर्घटना हुँदा ताइवानका प्रधानसेनापति शेन यी मिङ बेपत्ता भएका छन्। सेनापति मिङ उत्तरपूर्वी क्षेत्रमा रहेका सैनिकहरूलाई भेट्न हेलिकप्टरमा जाँदै थिए।
१३ जना सवार हेलिकप्टर उत्तरी ताइवानको पहाडमा आकस्मिक अवतरण गर्ने क्रममा प्रधानसेनपति बेपत्ता भएको अन्तर्राष्ट्रिय सञ्चारमाध्यमले जनाएका छन्। उनीसँगै अन्य ३ जना पनि बेपत्ता भएका छन् । अन्य १० जनाको जिवितै उद्दार गरिएको ताइवानी रक्षा मन्त्रालयले जनाएको छ ।बेपत्ताको खोजी जारी रहेको मन्त्रालयले जनाएको छ।
हेलिकप्टर किन आकस्मिक अवतरण गर्नुपर्यो भन्ने कारण खुल्न सकेको छैन।ताइवानमा आगामी जनवरी ११ मा राष्ट्रपतीय तथा संसदीय निर्वाचन हुन लागेको छ। मतदानको एक साताअघि यो दुर्घटना भएको हो।- एजेन्सी