‘निर्वाचन नचाहने तत्व परास्त’
प्रकाशित मिति : चैत्र २, २०७३ बुधबार
नेकपा एमालेको केन्द्रिय सदस्य तथा प्रचार विभागका उपप्रमुख सुर्य थापाले पार्टीको मेची–महाकाली अभियानले स्थानीय तहको निर्वाचन र संविधान कार्यान्वयनको माहोल बनाएको दावी गर्नु भएको छ ।
एबीसी न्यूजको नियमित कार्यक्रम समय सन्दर्भमा कुराकानी गर्दै उपप्रमुख थापाले पार्टीले संचालन गरेको मेची महाकाली अभियान सफल भएको दावी गर्दै अभियानले स्थानीय तहको निर्वाचन र संविधान कार्यान्वयनको वातावरण बनाएको दावी गर्नुभएको हो । मेची–महाकाली अभियान नेपाली राजनीतिक इतिहासमै सबैभन्दा ठूलो अभियान रहेको दावी गर्दै नेता थापाले अभियानले स्थानीय तहको निर्वाचन नचाहने तत्वहरुलाई परास्त गर्दै निर्वाचनको वातावरण बनाएको दावी गर्नुभएको हो ।
कार्यक्रममा बोल्दै नेता थापाले पार्टीले दुई नम्बर प्रदेशमा फेरी अभियान संचालन गर्ने समेत दावी गर्नु भएको छ । संविधान असफल बनाउन चाहने र निर्वाचनको विपक्षमा रहेका तत्वहरुले दुई नम्बर प्रदेशमा कार्यक्रम गर्न नदिएको बताउँदै नेता थापाले मधेसमा पुनः कार्यक्रम गरिने बतानु भएको हो ।
अभियानकै क्रममा सप्तरीमा प्रहरी र मधेसी मोर्चाका कार्यकर्ताबीच भएको झण्डमा पाँच जनाको ज्यान गएपछि मधेसी छोडेको थियो ।
