हिमआँधीपछि अमेरिकामा दुईलाखभन्दा धेरै घर विद्युतविहिन

खसोखास अमेरिका ब्यूरो

प्रकाशित मिति : चैत्र १, २०७३ मंगलबार

सोमबार रातीदेखि सुरुभएको हिमपात र हिमआँधीका कारण अमेरिकाको उत्तरपूर्वी क्षेत्रमा २ लाख भन्दा धेरै घर विद्युतविहिन भएका छन् । हिमपात र हुरीबतासका कारण विद्युत आपूर्तीमा अवरोध उत्पन्न भएको हो ।

मासाचुसेट्स राज्यमा मात्र झण्डै ६३ हजार घरहरुमा विद्युत आपूर्तीमा अवरोध उत्पन्न भएको न्युयोर्क टाइम्सले जनाएको छ । त्यस्तै मेरिल्याण्डमा ४१ हजार घरमा विद्युत आपूर्तीमा अवरोध उत्पन्न भएको छ । डेलावरमा ३६ हजार घरमा विद्युत आपूर्तीमा अवरोध उत्पन्न भएको जनाइएको छ भने भर्जिनियामा २२ हजार घरहरु अन्धकार भएका छन् ।

न्युजर्सीमा १९ हजार घरहरुमा विद्युत आपूर्तीमा अवरोध उत्पन्न भएको छ भने पश्चिमी र दक्षिणी भागमा धेरै क्षति पुगेको छ । न्युयोर्क राज्यमा १६ हजार घरहरुमा विद्युत आपूर्तीमा अवरोध उत्पन्न भएको छ । उडस्टक र लंग आइल्याण्ड क्षेत्रमा रहेका घरमा विद्युत आपूर्तीमा अवरोध उत्पन्न भएको जनाइएको छ ।

रोड आइल्याण्डमा ८ हजार घरमा विद्युत आपूर्तीमा अवरोध आएको छ । पेन्सिलभेनियामा ३ हजार घरमा र कनेक्टिकटमा ३ हजार घरमा विद्युत आपूर्तीमा अवरोध उत्पन्न भएको जनाइएको छ ।

  [jetpack_subscription_form 
    title="खसोखास निशुल्क सब्सक्राइब गर्नुहोस् 🙏"
    subscribe_text="अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू  तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।"
    subscribe_placeholder="इमेल ठेगाना यहाँ प्रविष्ट गर्नुहोस्…"
    subscribe_button="सब्सक्राइब गर्न यहाँ क्लिक गर्नुहोस्"
  ]