Follow @khasokhasmag

मतदाता शिक्षालाई अभियानकै रुपमा लैजान्छौं :निर्वाचन आयुक्त


प्रकाशित मिति : चैत्र १, २०७३ मंगलबार

निर्वाचन आयोगका प्रमुख निर्वाचन आयुक्त डा. अयोधीप्रसाद यादवले ८० प्रतिशत मतदाता अशिक्षित रहेकाले मतदाता शिक्षालाई अभियानकै रुपमा लगिने बताएका छन् । आयोगले स्थानीय तह निर्वाचनका लागि मङ्गलबारबाट सुरु गरेको दुई दिने मतदाता शिक्षा कार्यक्रमलाई सम्बोधन गर्दै उनले यस्तो बताएका हुन् ।

आयोगले मतदाता शिक्षालाई उच्च प्राथमितामा राखेर हरेक मतदान केन्द्रमा कम्तीमा तीनजना मतदाता शिक्षा कार्यकर्ता वा मतदाता शिक्षा स्वयंसेवकलाई परिचालन गरिने आयुक्त यादवले जानकारी दिए ।

उनले भने ‘‘स्थानीय निर्वाचनमा अनुगमनलाई कडाइ गरिने छ, दलहरुका लागि मात्र होइन मतदाता शिक्षा कार्यक्रममा खटिएका आयोगका कर्मचारी पनि अनुगमनमा पर्ने छन् ।’’

आयोगका सचिव गोपीनाथ मैनालीले निर्वाचन प्रक्रियामा नयाँ संवैधानिक व्यवस्था अनुसार स्थानीय निर्वाचन निकै जटिल भएकाले करिब एक करोड ४० लाख मतदातालाई मतदाता शिक्षा दिने कार्य चुनौतीपूर्ण रहेको बताए ।

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com