नेपाली मुलकी अस्मिता इङ्लिस क्लब एस्टन भिल्लामा, शुक्रबार ब्यवसायिक सम्झौता

खसोखास अमेरिका ब्यूरो

---

प्रकाशित मिति : मंसिर १३, २०७६ शुक्रबार

नेपाली मुलकी फुटबलर अस्मिता आले इङ्लिस प्रिमियर लिग क्लब एस्टन भिल्लामा अनुबन्ध भएर आफ्नो फुटबल यात्रा सुरु गरेकी छन् । पूर्व गोर्खा सैनिक अमृत आलेकी छोरी अस्मिताको पुख्यौली घर तनँहु दमौली हो ।

बेलायतमै हुर्किएकी अस्मिता सोही क्लबको एकेडेमीबाट खेल्दै आएकी थिइन् । उनलाई शुक्रबार क्लबले ब्यवसायिक सम्झौता गरेको हो । १८ वर्षीया अस्मिता आठ बर्षको उमेरदेखि एस्टन भिल्लाको एकेडेमीमा आबद्ध भएकी थिइन् । उनले उमेर समूहको हरेक खेलमा उत्कृष्ट प्रदर्शन गरेका कारण क्लबले अनुबन्ध गरेको बताइएको छ ।

व्यवसायिक फुटबल खेल्ने आफनो सपना रहेको सानैदेखि खेल्दै आएको क्लबमा व्यवसायिक रुपमा अनुबन्धित हुन पाउँदा खुशी लागेको उनको भनाई छ । अस्मिताले इङल्यान्डको यू–१९ राष्ट्रिय महिला टोलीबाट खेलिसकेकी छिन् । उनले युइएफए वुमन्स यू–१९ च्याम्पियनसिप छनोट खेल पनि खेलेकी थिइन् ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

यसैबीच एनआरएनए अध्यक्ष कुमार पन्तले इङ्लिस क्लब एस्टन भिल्लामा आवद्ध भएर व्यवसायिक फुटबलयात्रा आरम्भ गरेकोमा अस्मितालाई बधाई र शुभकामना दिएका छन् । पन्तले भनेका छन् – ‘तपाईको हरेक सफलतामा नेपाली डायस्पोरा गर्व गर्दछ ।’