आफूले २ चिजमा कहिले खर्च नगर्ने २९ वर्षीय करोडपतिको खुलासा
प्रकाशित मिति : मंसिर १२, २०७६ बिहीबार
आफूले २ चिजमा कहिलेपनि रकम खर्च नगर्ने २९ बर्षका करोडपति युवा ग्राहम स्टेफनले खुलासा गरेका छन् । यी युवाले एकमहिनामा २ लाख २० हजार डलसम्म कमाउने गरेका छन् भने सन् २०१९ मा कम्तीमा डेढ मिलियन डलर कमाउदै छन् ।
युट्युब स्टार स्टेफनले आफ्नो आम्दानीको ९९ प्रतिशत रकम वचत गर्ने गरेको बताएका छन् । उनले २६ बर्षको उमेरमा नै पहिलो पटक १ मिलियन डलर कमाएका थिए ।
उनले कहिलेपनि कफीका लागि रकम खर्च नगर्ने खुलाएका छन् । स्टारबक्स र कफी विन जस्ता क्याफेहरुमा कफीका लागि महँगो खर्च गर्नुको साटो आफूले घरमै २० सेन्टको लागतमा कफी बनाउने गरेको उनले बताएका छन् । अरु ग्रोसरी स्टोरको तुलनामा आधा सस्तोमा स्मार्ट एण्ड फाइनलबाट कफी किनेर घरमै ल्याएर बनाउने उनको भनाई छ ।
त्यस्तै उनले डिजाइनरले बनाएका ब्राण्डेड कपडापनि कहिले नकिन्ने खुलासा गरेको छन् । गुच्चीको जुत्ताको लागि ७ सय डलर खर्च गर्नुको कुनै अर्थ नभएको बरु आफूले त्यस्तै जुत्ता अल्दो, एचएनएम वा अन्य स्टोरबाट एकसय डलरभन्दा कममा पाउने गरेको बताएका छन् ।
उनले गत अप्रिलमा ३५ हजार डलर मूल्यको टेस्ला कार किनेका थिए । वास्तवमा उक्त कार पनि आफूले निशुल्क नै पाएको उनको तर्क छ । उनले कार किन्न लागेको बारेमा भिडियो बनाएको र भिडियो भाइरल भएपछि त्यही भिडियोबाट कार किन्ने पैसा उठेको उनको भनाई छ ।
करोडपति बन्दैमा लापरवाही तरिकाले खर्च गर्नु नपर्ने उनको भनाई छ । करोडपति बन्नका लागि दिनको १२ घण्टा काम गर्नु नपर्ने तर श्रृजनात्मक तरिकाले सोंच्नुपर्ने उनको भनाई छ ।