Follow @khasokhasmag

भारतीय एसएसबीको गोली लागेर एक नेपालीको मृत्यु


प्रकाशित मिति : फाल्गुन २६, २०७३ बिहीबार

कञ्चनपुरको सीमा क्षेत्र पुर्नवास नगरपालीका स्थित आनन्दबजारमा भारतीय क्षेत्रमा हस्तक्षेपको प्रतिरोधमा उत्रिएका नेपालीमाथि भारतीय सीमा सुरक्षा बल एसएसबीले गोली चलाएको छ ।

भारतीय एसएसबीको गोली लागेर स्थानीय गोविन्द गौतमको उपचारको क्रम्मा मृत्यु भएको छ । कम्मरमा गोली लागेर गम्भीर घाइते भएका उनलाई धनगढीस्थित सिपी अस्पतालमा पुर्‍याइएको थियो । तर, चिकित्सकले मृत घोषणा गरेका छन् ।सशस्त्र प्रहरीले सुरक्षा दिन नसकेपछि स्थानीयहरु सशस्त्र प्रहरी हतियार खोसेको जनाएको छ ।

आनन्दबजारबाट धनगढी २० किलोमिटरको दूरीमा पर्छ । भारत सीमा क्षेत्र आनन्द बजारका नेपालीलाई भारतीय सीमा सुरक्षा बल एसएसबीका जवानहरुले कुटपिट गरेको विरोधमा स्थानीइबासीहरु प्रतिरोधमा उत्रिएपछि भारतीय संग झडप भएको जनाईएको छ ।
एबिसी टेलिभिजनले कञ्चनपुरका प्रमुख जिल्ला अधिकारी मनोहर खनाललाई टेलिफोन गरी बुझ्दा ञ्चनपुरको सीमा क्षेत्र पुर्नवास नगरपालीका स्थित आनन्दबजारमा नेपाली भूमिमा नेपालीहरुले कल्भर्ट निर्माण गर्न लाग्दा गुगल म्यापले भारतको भूमि देखाएको भन्दै एसएसबीले काम रोक्न धम्की दिएपछि विवाद सुरु भएको जानकारी दिए ।
भारतीय सीमा सुरक्षा बल एसएसबीका जवानहरुरु पारीबाट हवाई फाएर गरेको उनले बताए ।

अहिले भारतीय र नेपाली पक्षबीच सीमा वारिपारी ढुंगामुढा भइरहेको र दुवैपक्षका सुरक्षा अघिकारीहरु समन्वयको प्रयासमा रहेका बताईएको छ ।
नेपाली र भारतीयबीच सीमा क्षेत्रमा प्रदर्शनमा उत्रिएपछि झडप भएको र घटनाका कारण सीमाक्षेत्रमा तनाव बढेको जनाईएको छ । यो विवादले उग्र रुप लिँदा बुधबार साँझ एसएसबीका जवानले नेपाली भूमिमा छिरेर नेपालीहरुलाई कुटपिट गरी घाइते बनाएका थिए ।

भारतीय सुरक्षाफौजको ज्यादतीको विरोधमा बिहीबार बिहान ९ बजे स्थानीय नेपालीहरु सीमा बन्द गराएर बिरोधमा उत्रिएका छन् । उनीहरुले भारतीय हस्तक्षेपविरुद्ध नाराबाजीसमेत गरेका छन् ।

लगत्तै एसएसवीका जवानहरु नेपालपट्टि आएर प्रदर्शन गरिरहेका केही नेपालीलाई कुटपिट गरेपछि तनाव झनै बढेकोथियो । त्यसपछि आनन्द बजारका स्थानीयहरुले दशगजामा ढुंगामुढा हानाहान भएको थियो ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com