न्युयोर्कमा सोमबार नै लगाइयो दशैंको टिका, नेपालमा मंगलबार

खसोखास अमेरिका ब्यूरो

---

प्रकाशित मिति : आश्विन २०, २०७६ सोमबार

अन्तराष्ट्रिय पञ्चाङग निर्णायक समितिले न्युयोर्कमा दशैंको टिकाको साइत स्थानीय समय अनुशार सोमबार विहान ११ बजेर २१ मिनेटमा तय गरिएपछि न्युयोर्कमा सोमबार नै दशैंको टिका लगाइएको छ । रिजउडमा रहेको दुर्गामन्दिरमा सोमबार विहानैदेखि टिका थाप्नेहरुको उपस्थीति रहेको थियो ।

कतिपयले भने नेपालमा टिका लगाइसकेपछि मंगलबारमात्र टिका लगाउने बताएका छन् । अन्तराष्ट्रिय पञ्चाङग निर्णायक समितिका अनुशार अमेरिका , बेलायत र क्यानडामा सोमबार नै टिकाको साइत रहेको छ । नेपाल पञ्चाङग निर्णायक समितिका अनुसार नेपालमा भने असोज २१ गते मंगलबार बिहान १० बजेर ३५ मिनेट टीकाको साईत उत्तम रहेको छ । यद्यपी साइत कुर्नु नपर्ने र दिनभर नै टीका लगाउन सकिने बताइएको छ ।

न्युयोर्क समय अनुशार मंगलबार विहान सबेरै नै दशमी तीथि समाप्त हुने भएकाले अमेरिकामा यसबर्षको दशैंको टिका सोमबार नै लगाउनुपर्ने अवस्था आएको न्युयोर्क निवासी पण्डित उद्धव शास्त्रीले जानकारी दिनुभएको छ ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

सधैको दशैंमा यस्तो अवस्था नआउने र नेपालमा दशैंको तीथि मंगलबार साँझ समाप्त हुने भएकाले सोही अनुशार गणना गर्दा अमेरिकामा दशैंको टिका सोमबार नै लगाउनुपर्ने अवस्था आएको शास्त्रीले बताउनुभयो । न्युयोर्कमा मंगलबार दशैंको टिका लगाएमा त्यो एकादशीको दिन पर्ने उहाँको भनाई छ ।

नेपालमा दशमी तीथि सोमबार बेलुकादेखि सुरु हुनेछ । र मंगलबार साँझ सम्म कायम रहनेछ । न्युयोर्कमा स्थानीय समय अनुशार सोमबार विहान ११ बजेर २१ मिनेट जाँदा दशैंको टिका लगाउने शुभ साइत रहेको शास्त्रीले जानकारी दिनुभयो ।

दशैंको टिका दशमी तीथि सुरुवात भएदेखि पूर्णिमासम्म समेत लगाउने चलन रहेको छ ।