‘मन भमरा’ हिट भएकोमा खुशी छु

खसोखास अमेरिका ब्यूरो

---

प्रकाशित मिति : फाल्गुन १५, २०७३ आईतबार

-यम बराल, गायक

लामो समय अमेरिकामा बसेर केही महिनाअगाडि नेपाल फर्कनुभएका चर्चित गायक यम बराल यतिबेला नेपालमा चर्चाको शीखरमा हुनुहुन्छ । उहाँको नयाँ एल्बम ‘मन भमरा’ ले उहाँलाई थप चर्चामा ल्याइदिएको छ । ‘मन भमरा’ को भिडियो अहिले युट्युबमा पनि हिट भइरहेको छ । यसैसम्बन्धमा चर्चित गायक बरालसँग खसोखासले गरेको कुराकानी ।

तपाईको नयाँ एल्बम ‘मन भमरा’ बारे बताइदिनुहुन्छ कि ?

यो एल्बम अत्यन्तै छोटो समयमा चर्चित हुन पुगेको छ । एउटा नयाँ प्रयोग पनि हो । सुदुरपश्चिमको देउडा गीतलाई फ्युजन गरेर अहिलेकी चर्चित गायिका कोमल वलीसँगको युगल स्वरमा यो बजारमा आएको छ । यो एल्बम अत्यन्तै समय सापेक्षित छ र छोटो समयमा नै अत्याधिक रुचाइदै छ । जनजीब्रोमा पनि छिटो झुण्डिनसक्ने खालको गीत बनेको छ यो । बजारको सुक्ष्म अनुसन्धान गरेर यो एल्बम तयार पारिएको छ ।

२०५७ सालतिर मेरो मन भन्ने एल्बमले सर्वाधिक ब्यापार गर्न सक्यो । त्यो एल्बमको मन शब्द मलाई फलिफाप भएको मेरो विश्वास छ । त्यसैले मैले यो एल्बमको नाम मन भमरा टाइटल ट्रयाक राखेर हामीले निकालेका छौं । सुदुर पश्चिमको गीतलाई फ्युजन गरेर हामीले नेपाली माटोको सुवासलाई नयाँ रुप दिन कोसिस गरेका छौं । त्यो कुराकोपनि सान्दर्भिकता रह्यो । यसमा म आफै पनि अभिनय गरेको छु । दीपक शर्माको कम्जोजिशन पनि एकदमै नयाँ खालको छ । यी फरक कुराले श्रोता र दर्ककको पनि राम्रो प्रतिकृया र चर्चा आइरहेको छ । यो एल्बमको भविश्य मैले एकदमै राम्रो देखेको छु ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

यो गीतको म्युजिक भिडियोमा आफैले अभिनय पनि गर्नुभएको रहेछ, आफैले अभिनय गर्नुको कारण के हो ?

मेरो सुहाउदो खालको भूमिका भएकाले अभिनय गरेको छु । गीत गाउनुबाहेक पहिले पनि मैले अभिनय गर्थें । त्यो हिसाबले नयाँ डाइरेक्टरले मलाई नै भिडियोमा अभिनय गर्न सुझाव दिनुभएकाले पनि मैले आफै गरें । त्यो अनुशार मैले कति गर्न सकें त्यो त दर्शकले मूल्यांकन गर्ने कुरा हो । तर जहाँसम्म लाग्छ यो गीत नै रोमान्टिक र गर्न सकिने भएकाले मैले यो गीतमा अभिनय गरेको हुँ ।

नेपालमा अरु केमा व्यवस्त हुनुभएको छ ?

म महोत्सवहरुमा कार्यक्रम गर्नमा व्यस्त भइरहेको छु । इलाममा यम बराल नाइट नामको एकदमै ठूलो कार्यक्रम पनि हुन लागेको छ । भर्खरै एल्बमै रिलिज भएकाले प्रोमोशनको काममा पनि खटिरहेको छ । त्यो बाहेक रेकर्डको काम भइरहेको छ । जे होस् खुशी छु । नेपाल फर्केपछि दर्शक र श्रोतको अथाह माया पाइरहेको छु कि मलाई उद्योगमा नै नयाँ पुराना कलाकार र सर्जकसँग मौका पाएको छु । दर्शकसँग सम्बन्धित भएर काम गर्न पाएको छु । यसबाट पनि निकै खुशी छु ।

अमेरिकामा फर्केर कुनै कार्यक्रमको योजना छ कि ?

म अमेरिकामा कार्यक्रमका लागि आइरहने नै छु । अमेरिकामा मेरो अप्रिलदेखि कार्यक्रम सुरु हुनेछ । म दुईतीनमहिना अमेरिकामा बस्नेछु । मेरो कार्यक्रमको सेट भइसकेको छ । तर पनि अरु कार्यक्रम गर्नुपर्ने भएमा मलाई सम्पर्क गर्न सक्नुहुनेछ । उहाँहरुलाई आब्हान पनि गर्न चाहन्छु ।