आइसको छापा दुईसाता पछाडि सारिएको भन्दै ट्रम्पले गरे ट्वीट
प्रकाशित मिति : असार ७, २०७६ शनिबार
डेमोक्र्याट्सहरुको आग्रहमा इमिग्रेशन एण्ड कस्टम इन्फोर्समेन्ट आइसको छापा दुईसाता पछाडि सारिएको अमेरिकी राष्ट्रपति डोनाल्ड ट्रम्पले जनाएका छन् । शनिबार गरेको ट्वीटमा उनले कागजपत्रविहिनहरुलाई आम देशनिकालाको काम दुईसाता पछाडि सारेको जनाएका हुन् ।
At the request of Democrats, I have delayed the Illegal Immigration Removal Process (Deportation) for two weeks to see if the Democrats and Republicans can get together and work out a solution to the Asylum and Loophole problems at the Southern Border. If not, Deportations start!
— Donald J. Trump (@realDonaldTrump) June 22, 2019
डेमोक्र्याट्स र रिपब्लिकनबीच एसाइलम र अध्यागमनका छित्रहरुको समाधानका बारेमा सहमति कायम नभए दुईसातापछि देशनिकालाका सुरु हुने ट्रम्पले चेतावनी दिएका छन् । आइतबारदेखि अमेरिकाका विभिन्न १० शहरमा आइसले छापामार्ने र देशनिकालका तीब्र पार्ने समाचार अमेरिकी संचारमाध्यमहरुमा आइरहेको बखत ट्रम्पको यस्तो भनाई आएको हो ।
शुक्रबार राती प्रतिनिधिसभाकी सभामुख न्यान्सी पेलोसीलाई ट्रम्पलाई फोन गरेर आप्रवासी छापा संचालन नगर्नका लागि आग्रह गरेकी थिइन् । शनिबार पनि पेलोसीले नेताहरु र सामुदायिक संस्थाहरुले परिवारलाई अलग गराउने ट्रम्पको कदम रोक्नका लागि आब्हान गर्ने अपेक्षा गरेको बताएकी थिइन् ।
