३ मंसिर २०८३, बिहिबार| Thursday, November 19, 2026
इमिग्रेशन

युरोपको शेंगेन भिसामा नयाँ नियम, भिसा शुल्कबृद्धिदेखि ५ बर्षे मल्टिपल भिसा

युरोपको शेंगेन भिसामा सहजता ल्याउने गरी गरिएको संसोधनलाई युरोपियन युनियनले औपचारिक रुपमा स्वीकार गरेको छ । नयाँ परिमार्जन सन् २०२० मा शेंगेन क्षेत्रको भ्रमण गर्ने पयर्टकका सन्दर्भमा लागु हुने अपेक्षा गरिएको छ ।

नयाँ नियमपछि अब युरोपको शेंगेन क्षेत्रको भ्रमण गर्न चाहने पर्यटकहरुले ६ महिना अगाडिसम्म भिसाका लागि आवेदन दिन सक्नेछन् । यस अगाडि शेंगेन भिसाका लागि भ्रमण गर्नका लागि तय भएको मितिबाट बढीमा ९० दिनअगाडिमात्र आवेदन दिन पाउने प्रावधान रहेको थियो ।

त्यस्तै शेंगेन भिसाका लागि पर्यटकहरुले जानुभन्दा कम्तीमा १५ दिन अगाडि आवेदन दिनुपर्ने प्रावधान नयाँ नियममा रहेको छ । कतिपय स्थानमा पयर्टकहरुले विद्युतीय रुपमा नै आवेदन भरेर विद्युतीय हस्ताक्षर गर्न सक्नेछन् ।

त्यस्तै लगातार यात्रा गर्ने सकारात्मक यात्रा इतिहास भएका पर्यटकहरुले १ देखि ५ बर्षसम्मको मल्टिपल इन्ट्री शेंगेन भिसा प्राप्त गर्न सक्नेछन् । तर नयाँ नियमले छोटो अवधिको पर्यटक भिसा शुल्क भने ६० युरोबाट बढाएर ८० युरो बनाउने भएको छ । ६ देखि १२ बर्षसम्मका बच्चाका हकमा भने ३५ युरोबाट बढाएर ४० युरो बनाइनेछ ।

लेखक खसोखास अमेरिका ब्यूरो

Khasokhas Weekly is published Weekly and read by thousands of Nepalese and Nepalese speaking in the USA. There are more than 250,000 (unofficial data) Nepali people in the USA. According to the 2010 US Census, there are 59,490 Nepalese in the USA. The actual numbers…

यस लेखकका थप समाचार →