आमाले गरिन आफ्नै २२ महिने छोराको खुकुरीले घाँटी छिनाएर हत्या
प्रकाशित मिति : जेष्ठ १४, २०७६ मंगलबार
संसारमा कमै मात्रमा हुने गर्छन यस्ता क्रुर हत्याराहरु तर नेपालको भोजपुर मा यस्तो क्रुर महिला फेला परिन जस्ले आफैले जन्म दिएको छोरोको खुकुरीले घाँटी छिनाएर हत्या गरेकि छिन् । सदरमुकामस्थित पानी ट्याङ्कीमा २२ महिने बालकको आफ्नै आमाले हत्या गरेकी छन् ।
२५ वर्षीया सम्झना थापाले २२ महिनाको छोरा सम्बोधनको हत्या गरेकी हुन् । उनले मंगलबार बिहान ७ बजेतिर घरको छतमा लगेर खुकुरीले घाँटी छिनाएर हत्या गरेकी हुन् । रामप्रसाद राई गाउँपालिका वासिखोरा घर भएकी सम्झनाको परिवार पानीट्याङ्की टोलमा भेनाजुको घरमा बस्दै आएको थियो ।
लघुवित्त कम्पनीमा काम गर्ने बालकका बाबु सूर्यबहादुर थापा भने कार्यालयको कामले सदरमुकाम वाहिर गएको पाइएको भोजपुरका प्रहरी प्रमुख डिएसपी केशवकुमार थेवेले बताए । प्रहरीले सम्झनालाई पक्राउ गरेको छ । घटनाको विषयमा थप अनुसन्धान थालिएको प्रहरीले जनाएको छ ।