८५ हजार कामदार भिसा खुल्दै, यसरी लिनसक्छन् नेपालीले फाइदा (भिडियो )
प्रकाशित मिति : माघ २७, २०७५ आईतबार
अमेरिकामा अप्रिल १ देखि ८५ हजार कामदार भिसाका लागि आवेदन खुल्दैछ । कार्यक्रम टक अफ द टाउन युएससए इमिग्रेशन अपडेटमा पत्रकार किशोर पन्थीले यसबारे अमेरिकामा चर्चित कानुन व्यवसायी केशवराज सेडाईसँगको कुराकानी गरेका छन् ।
कार्यक्रम फेसबुकमा यो लिंकमा हेर्नुहोला ।
अमेरिकामा टीपीएसमा हुने, अमेरिकामा ब्याचलर डिग्री गरेका नेपाली, मास्टर्स डिग्री गरेका नेपाली, ओपिटी, स्टीम ओपीटी, सीपीटीबाट कामदार भिसामा रहनेहरु लगायत कसरी एचवानबी कामदार भिसामा जानसक्छन् भन्ने विषयमा कार्यक्रममा कानुन व्यवसायी सेडाईले विभिन्न टिप्सहरु दिनुभएको छ । साथै अमेरिकन डिग्री लिएर नेपाल फर्केकाहरु र नेपालमै ब्याचलर वा मास्टर्स डिग्री गरेकाहरु यो कार्यक्रममा कसरी योग्य हुनसक्छन् भन्नेबारेमा पनि कार्यक्रममा छलफल गरिएको छ।
एचवानबी कामदार भिसाबाट फाइदा लिन चाहनेहरुले कसरी जागिर खोज्ने, ठगहरुबाट कसरी बच्ने, कामदार भिसामा यो बर्षदेखि भएको परिवर्तन के हो, कसलाई फाइदा हुन्छ लगायतका विषयमा पनि आजको कार्यक्रममा छलफल गरिएको छ । कानुन व्यवसायी सेडाईको कानुनी कार्यालयबाट फाइल गरिएका तीसहजार भन्दा धेरै कामदार भिसाका आवेदनहरु स्वीकृत भइसकेका छन् भने ग्रिनकार्ड लगायत अन्य अध्यागमन सुविधाका एकलाखबढी आवेदन स्वीकृत भइसकेका छन् ।
कार्यक्रम युट्युबमा यो लिंकमा छ ।