अमेरिकी अध्यागमनले वालविवाह गर्नेका साढे ८ हजार ग्रिनकार्ड स्वीकृत गरेको खुलासा
प्रकाशित मिति : पुस २९, २०७५ आईतबार
अमेरिकी अध्यागमनले बालविवाह गर्नेका साढे ८ हजार ग्रिनकार्ड स्वीकृत गरेको अमेरिकी सिनेटको समितिको अनुसन्धानबाट खुलासा भएको छ । युएससीआईएसले अमेरिकामा रहेका बालबालिकाका विदेशमा रहेका १८ बर्ष नाघेका श्रीमान्श्रीमति वा अमेरिकामा रहेका १८ बर्ष नाघेका व्यक्तिका विदेशमा रहेका १८ बर्षभन्दा कम उमेरका श्रीमान्श्रीमतिका लागि ग्रिनकार्ड स्वीकृत गरेको हो ।
सन् २००७ देखि सन् २०१७ सम्म अमेरिकामा रहेका १८ बर्ष पुगेका विदेशी मुलका व्यक्तिले आफ्ना १८ बर्षभन्दा कमउमेरका दम्पत्तिका लागि र अमेरिकामा रहेका १८ बर्ष नपुगेकाहरुले विदेशमा रहेका १८ बर्ष नाघेका दम्पत्तिका लागि फाइल गरेका ८ हजार ६ सय ८६ आवेदनहरु युएससीआईएसले स्वीकृत गरेको छ ।
यसरी फाइल गरिएका अधिकांश आवेदनमा बुढा पुरुषहरुले आफ्ना १८ बर्ष ननाघेका श्रीमतिहरुलाई अमेरिका ल्याउनका लागि फाइल गरेका आवेदनहरु रहेका छन् । एकजना ७१ बर्षको पुरुषले ग्वाटेमालाकी १७ बर्ष श्रीमतिका लागि र जमैकाको ४८ बर्षको पुरुषले १४ बर्षकी श्रीमति अमेरिका ल्याउनका लागि आवेदन फाइल गरेको रिपोर्टमा उल्लेख छ ।
१४९ वटा केसहरुमा दम्पत्तिमध्ये एकजना ४० बर्ष कटेका र २८ वटा केसहरुमा ५० बर्ष कटेका पाइएको छ । अमेरिकी सरकारको अध्यागमन कानुन अनुशार युएस चाइल्डले विदेशमा रहेका उमेर पुगेकाहरु मंगेतर वा दम्पत्तिका लागि भिसा आवेदन दिनसक्ने र अमेरिकी जवानले विदेशमा रहेका १८ बर्ष नपुगेका मंगेतर वा दम्पत्तिका लागि भिसा आवेदन दिनसक्ने प्रावधान रहेको छ ।
रिपोर्ट अनुशार ११ बर्षमा स्वीकृत भएका आवेदनहरुमा २ वटा आवदेनमा दम्पत्तिमध्येको एकजनाको उमेर १३ बर्षमात्र रहेको छ । त्यस्तै ३८ वटा आवदेदमा दम्पत्तिमध्ये एकजनाको उमेर १४ बर्ष, २६९ आवेदनमा १५ बर्ष, १७६८ आवेदनमा १६ बर्ष र ६६०९ आवेदनमा १७ बर्ष रहेको छ । ९५ प्रतिशत आवेदनमा १८ बर्ष नपुगेकाहरुमा केटीहरु रहेका छन् ।
११ बर्षको अवधिमा बाल मंगेतरका लागि १६०३ आवेदन स्वीकृत भएका थिए भने बालदम्पत्तिका लागि ७०८३ आवेदन स्वीकृत भएका थिए ।
सन् २००७ देखि सन् २०१७ सम्मका बालविवाहका ग्रिनकार्ड आवेदन तथ्यांकमा ।
