अमेरिकाको भिसा प्रकृयामा फेरबदल, ७२ घण्टा अगाडि विद्युतीय आवेदन दिनुपर्ने

खसोखास अमेरिका ब्यूरो

---

प्रकाशित मिति : मंसिर २९, २०७५ शनिबार

अमेरिकाको विद्युतीय भिसा प्रणालीमा फेरबदल भएको छ । अमेरिकाको विद्युतीय भिसा प्रकृया इस्टा मार्फत अमेरिका आउनेहरुले अब कम्तीमा पनि जहाज चढ्नुभन्दा ७२ घण्टा अगाडि आवेदन दिनुपर्ने भएको छ । विश्वका ३८ देशका नागरिकहरु अमेरिकाको विद्युतीय भिसाका लागि योग्य मानिन्छन् ।

अमेरिकाको कस्टम एण्ड बोर्डर प्रोटेक्सनले जारी गरेको सुचनामा यात्रुहरुलाई कम्तीमा ७२ घण्टा र त्यो भन्दा अगाडि विद्युतीय भिसाका लागि आवेदन दिन सुझाव दिइएको छ । इस्टाको आवेदन प्रकृयामा फेरबदल आएकाले अब तुरुन्तै विद्युतीय भिसा प्रदान नगरिने सीबीपीले स्पष्ट पारेको छ । यस अगाडि विद्युतीय भिसाका लागि योग्य देशका नागरिकले आवेदन दिनासाथ यात्रा अनुमति प्राप्त गर्दै आएका थिए ।

यदि आवेदकले यात्राकै दिनमा विद्युतीय भिसाका लागि आवेदन दिएमा त्यस्ता यात्रुसँग स्वीकृत विद्युतीय भिसा नहुने जोखिम हुने सीबीपीले स्पष्ट पारेको छ । अब ७२ घण्टा भन्दा अगाडि आवेदन नदिने आवेदकको विद्युतीय भिसा स्वीकृत नभएको खण्डमा जहाज चढ्न नदिइने समेत सीबीपीले जनाएको छ ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

भिसा छुट प्रदान गरिएका देशहरुका नागरिकलेमात्र विद्युतीय भिसाका लागि आवेदन दिन पाउँछन् । अमेरिकाको भिसा छुट गरिएका देशहरुमा अष्ट्रेलिया, बेल्जियम, डेनमार्क, फ्रान्स, जर्मनी, फिनल्याण्ड, जापान, नेदरल्याण्ड, नर्वे, पोर्चुगल, माल्टा, सिंगापुर, साउथ कोरिया, स्पेन, स्वीट्जरल्याण्ड, बेलायत लगायत रहेका छन् । उनीहरुले ९० दिन वा त्यो भन्दा कम समयका लागि अमेरिकाको यात्रा गर्नुपरेमा विद्युतीय भिसा लिन सक्नेछन् । मास्टरकार्ड, भिसा, अमेरिकन एक्सप्रेस, डिस्करभर वा पेपलमार्फत १४ डलर शुल्क तिरेर विद्युतीय भिसाका लागि आवेदन दिन सकिन्छ ।

भिसा वेभरका दिइएका ३८ देशको सुची हेर्न यहाँ क्लिक गर्नुहोला ।

विद्युतीय यात्रा अनुमति इस्टा सन् २००७ देखि अमेरिकामा लागु हुँदै आएको छ । भिसा छुट प्राप्त कुनै पनि देशका यात्रु विमान चढ्नु अगाडि नै अमेरिकामा प्रवेशका लागि योग्य भए नभएको निर्धारण गर्न यो कार्यक्रम लागु गरिएको हो ।

नेपाली पासपोर्ट होल्डरका लागि इस्टा कार्यक्रम उपलब्ध छैन । नेपाली पासपोर्ट होल्डरहरुले अमेरिकी दूतावास वा कन्सुलरबाट पहिले नै भिसा लिएर अमेरिका आउनुपर्छ । तर बेलायत, अष्ट्रेलिया लगायत ३८ देशमध्ये कुनै देशको पासपोर्ट लिएका नेपालीहरुले अमेरिका आउनु अगाडि विद्यतुीय भिसाका लागि आवेदन दिन जरुरी छ ।