अमेरिकी अदालतबाट एसाइलम स्वीकृत हुने सातौं नम्बरमा नेपाली

किशोर पन्थी

---

प्रकाशित मिति : कार्तिक २१, २०७५ बुधबार

अमेरिकी अदालतबाट एसाइलम स्वीकृत हुनेमा नेपालीहरु सातौं नम्बरमा परेका छन् । एक्जुकेटिभ अफिस फर इमिग्रेशन रिभ्युको तथ्यांक अनुशार नेपाल अमेरिकी अदालतबाट एसाइलम स्वीकृत हुनेमा टप २५ देशभित्र परेको छ ।

गत आर्थिक बर्ष २०१७ मा अमेरिकी अदालतबाट एसाइलम पाउनेमा नेपालीहरु सातौं नम्बरमा परेका हुन् । नेपालीहरुलाई भारत, मेक्सिको, ग्वाटेमाला, होण्डुरस, एल साल्भाडोर र चीनका नागरिकहरुले उछिनेका छन् ।

अदालतबाट एसाइलम स्वीकृत हुनेमा चीनका पहिलो, एल साल्भाडोरका दोश्रो, होण्डुरसका तेश्रो, ग्वाटेमालाका चौथो, मेक्सिकोका पाँचौं र भारतका छैठौं नम्बरमा रहेका छन् । नेपालीहरुले इथोपिया, सिरिया, बंगालादेश, पाकिस्तान, हैटी लगायतका देशका नागरिकहरुलाई उछिनेका छन् ।

आर्थिक बर्ष २०१६ मा पनि अमेरिकी अदालतबाट एसाइलम स्वीकृत हुनेमा नेपालीहरु सातौं नम्बरमा रहेका थिए । तर २०१५ मा भने अमेरिकी अदालतबाट एसाइलम स्वीकृत हुनेमा नेपालीहरु मेक्सिकोलाई समेत उछिनेर छैठौं नम्बरमा रहेका थिए ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

सन् २०१४ मा अमेरिकी अदालतबाट एसाइलम स्वीकृत हुनेमा नेपालीहरु एल साल्भाडोर, होण्डुरस र ग्वाटेमालालाई समेत उछिनेर चौथो नम्बरमा रहेका थिए । सन् २०१३ मा अदालतबाट एसाइलम स्वीकृत हुनेमा नेपालीहरु दोश्रो नम्बरमा रहेका थिए । पहिलो नम्बरमा चीनका नागरिकहरु रहेका थिए ।