ठोरी गाउँपालिकामा महिला हिंसा विरुद्ध तालिम
पर्सा जिल्लाको विकट गाउँ ठोरी गाउँपालिकाका महिलाहरुलाई महिला हिंसा विरुद्ध तालिम दिइएको छ ।
तीन दिने अभिमुखिकरण तालिममा महिला हिंसा भनेको के हो ? हिंसा भएमा कहाँ उजुरी गर्ने ? बलात्कारको उजुरी कहाँ गर्ने ? महिला सशक्तिकरण भनेको के हो ? शिर्षकमा तालिम दिइएको ठोरी गाउँपालिका वडा नम्बर ४ का वडा अध्यक्ष बईबहादुर पाख्रिनले जानकारी दिए ।
ठोरी गाउँपालिकाको सहयोगमा आयोजित तालिमको सहजिकरण गर्दै अधिकारकर्मी साबित्री सुवेदीले हिंसा गर्ने भन्दा हिंसा सहने व्यक्ति दोषी हुने भएकाले हिंसा विरुद्ध सशक्त आवाज उठाउन महिलाहरुलाई ढाडस दिइन् ।
तालिममा ३७ जना महिलाहरुको उपस्थिति रहेको थियो ।