आचार्य श्रीनिवास पक्राउ, भाडामा आफैलाई गोली हान्न लगाएको आरोप
प्रकाशित मिति : बैशाख २४, २०७५ सोमबार
हिन्दू धर्मगुरु आचार्य श्रीनिवासलाई पक्राउ गरिएको छ।
मोरङ प्रहरीको टोलीले श्रीनिवासलाई काठमाडौंबाट पक्राउ गरेको हो ।
प्रहारीको अनुसन्धानबाट गत चैत २५ गते उनीमाथि प्रहार गरिएको गोली आफैले हान्न लगाएको देखिएपछि प्रहरीले उनलाई पक्राउ गरेको हो ।
मोरङका एसपी अरुण बीसीका अनुसार गोली प्रहारमा संलग्न भएको अभियोगमा दुई जना पक्राउ परेका थिए ।
तर, उनीहरुले आचार्य श्रीनिवासले नै योजना बनाएर आफूलाई गोली हान्न लगाएको बयान दिएपछि श्रीनिवासलाई अनुसन्धानका लागि हिरासतमा लिइएको प्रहरीले जनाएको छ ।