घुम्न आएका विदेशी पर्यटक होटलमा मृतावस्थामा फेला
प्रकाशित मिति : चैत्र १, २०७४ बिहीबार
पोखरा, १ चैत– पोखरा लेखनाथ महानगरपालिका वडा नं ६ लेकसाइडस्थित एक होटलको कोठामा बस्तै आएका एक विदेशी आज मृतावस्थामा फेला परेका छन् ।
लेकसाइडको होटल ह्वाइट पियर्लको कोठा नं ७०१ मा २८ वर्षीय युक्रेनी आनपोन कुज्निफोब बिहान मृतावस्थामा भेटिएको प्रदेश नं ४ प्रहरी कार्यालयका प्रहरी उपरीक्षक वीरेन्द्रकुमार बस्यालले जानकारी दिए ।
उनका अनुसार फागुन २८ गतेदेखि कोठामा एक्लै बस्तै आएका उनलाई उपचारका लागि पश्चिमाञ्चल क्षेत्रीय अस्पताल गण्डकीमा उपचारका लागि लगिएकामा चिकित्सकले आठ घण्टा अगाडि नै मृत्यु भएको घोषणा गरेका थिए ।