नेपाली चलचित्र भैरेका लागि अमेरिकामा बस्ने कलाकार मुस्ताङमा
गाउँमा प्रायः जिस्काएर बोलाइने चर्चित नाम हो भैरे । यही भैरे नामको अहिले चलचित्र बन्दैछ । नेपाली चलचित्र क्षेत्रका दुई हस्ति, चर्चित नायक बिक्रान्त बस्नेत र दयाहाङ राईको अभिनयमा । भैरेको सुटिङमा व्यस्त रहेका अमेरिका निवासी नायक बिक्रान्तले चलचित्रको अहिले नेपालको हिमाली क्षेत्रमा छायाङकन भईरहेको जानकारी दिए । गाउँले परिवेवश र गाउँको कथा वस्तु समेटिएको चलचित्र भैरे छिटै बजाउमा आउनेछ ।
नेपाली चलचित्र क्षेत्रमा एकताका राजेश हमालको एउटा अभियन शैली स्थापित भयो, त्यस्तै शैलीमा अभिनय गरेर आफुलाई स्थापित गरेका नायक बिक्रान्त बस्नेत र साधारण ढंगबाट नेपाली चलचित्रमा अर्को शैलीलाई स्थापित गर्न सफल दायहाङको संयुक्त अभिनयले चलचित्र उत्कृष्ट बन्ने अपेक्षा गरिएको छ ।
नेपाल चलचित्र क्षेत्रका चर्चित अभिनेता, खलनायकको एउटा इतिहास बनाएका राते काईला अर्थात सुनिल थापाको पनि दमदार अभियन रहने छ । चलचित्रमा बुद्धि तामाङ हैट, सबिता गुरुङ, जयनन्द लामा, बर्षा शिवाकोटी, जान्हवी गुरुङ, कुमारी लामा लगायतका कलाकारको मुख्य भुमिका रहेको छ । यस्तै बाल कलाकारमा अनुभव रेग्मी, कञ्चन ठकुरी, अंकित पौडेलको अभिनय छ ।
एभरेष्ट सुर्य बोहोराको निर्देशन, पुरुषोत्तम प्रधानको छायाङकन, कविराज गहतराजको नृत्य निर्देशन, बसन्त सापकोटा, अर्जुन पोखरेल र गायक यम बराजलको संगितमा चलिचत्र बनिरहेको छ । चलचित्रमा नेपालको उत्कृष्ट पर्यटकिय क्षेत्रको छायाङकन भईरहेको र यसमा समग्र नेपालको परिदृष्य हेर्न पाइने यसका नायक बस्नेतले खसोखास मनोरञ्जन ब्यूरोलाई जानकारी दिए ।
