टक अफ द टाउन युएसए अब हरेक मंगलबार
प्रकाशित मिति : आश्विन १२, २०७३ बुधबार
केही समयदेखि अबरुद्ध टेलिभिजन कार्यक्रम टक अफ द टाउन युएसएको प्रशारण आरम्भ भएको छ । अमेरिकन ब्रोडकास्टिङ कर्पोरेशन न्युयोर्कसँगको सहकार्यमा अमेरिकामा छायांकन र नेपालको एबीसी टेलिभिजनबाट प्रशारण हुँदै आएको यो कार्यक्रम अबदेखि हरेक मंगलबार बेलुका साढे ७ बजे प्रशारण हुनेछ । यसअघि कार्यक्रम टक अफ द टाउन सोमबार बेलुका प्रशारण हुँदै आएको थियो ।
गत बर्ष रिलिज गरिएको टक अफ द टाउन युएसएको प्रोमो
सन् २००८ बाट नेपालको एबीसी टेलिभिजनमा प्रशारण हुँदै आएको यो कार्यक्रम सन् २०११ देखि टक अफ द टाउन युएसएको नामबाट अमेरिकाबाट प्रशारण हुन थालेको थियो । केहीसमय ह्वाइट हिमाल टेलिभिजनसँगको सहकार्यमा प्रशारित यो कार्यक्रम सन् २०१२ को अन्त्यपछि अबरुद्ध भएको थियो । त्यसपछि सन् २०१५ को अक्टोबरबाट प्रशारण हुन थालेको यो कार्यक्रम सन् २०१६ को जुनसम्म प्रशारण भएको थियो । प्राविधिक कारणले जुनदेखि अगस्तसम्म रोकिएको यो कार्यक्रम सेप्टेम्बरबाट प्रशारण आरम्भ भएको छ ।
पाँच बर्ष अगाडि रिलिज गरिएको टक अफ द टाउन युएसएको प्रोमो
विशेषगरी अमेरिका र अमेरिकामा रहेका नेपालीहरुका सन्दर्भमा केन्द्रीत रहने यो कार्यक्रमका संचालक पत्रकार किशोर पन्थी हुन् । पत्रकार पन्थी यस खसोखास साप्ताहिकका प्रधानसम्पादक समेत हुन् । यो कार्यक्रमका अधिकांश भागहरु अमेरिकामा नै छायांकन हुँदै आएका छन् ।
टक अफ द टाउन युएसए छायांकनका क्रममा खिचिएका केही तस्विरहरु ।
