यस्तो छ आइफोन तयार गर्ने ठाँउ (फोटो फिचर)
प्रकाशित मिति : आश्विन ६, २०७३ बिहीबार
तपाईको हातमा आइफोन छ भने आइफोनको पछाडि लेखिएको हुन्छ – ‘डिजाइन बाई एप्पल इन क्यालिफोर्निया, एसेम्बल्ड इन चाइना’ । हो, चीनमा रहेको पेगाट्रोन कम्पनीमा आइफोन तयार हुन्छ । यो कम्पनीमा झण्डै ५० हजार कर्मचारीहरु कार्यरत छन्, जसले आइफोन बनाउँछन् । एप्पल कम्पनीका लागि आइफोन बनाउने यो ठाउँभित्र जान कर्मचारी बाहेक अरुका लागि निकै कडा छ । कर्मचारीहरुले पनि परिचयपत्र र अनुहार स्क्यान गरेरमात्र भित्र छिर्न पाउँछन् । गुलावी कपडा, टाउको ढाक्ने निलो टोपी र चप्पल लगाएका कर्मचारीहरु हरेक बिहान फर्मेशनमा उभिएर हाजिर गर्दै काम सुरु गर्छन् । ९० वटा फुटवल फिल्ड जत्तिकै ठूलो क्षेत्रमा रहेको कम्पनीमा कार्यरत कर्मचारीहरुले एप्पलका आउँदै गरेका उत्पादनबारे सुचना बाहिर चुहाउनबाट रोक्न कडा प्रविधि अपनाइने गरेको छ । चाइना लेवर वाचका अनुशार यो कम्पनीमा कार्यरत कर्मचारीहरुको तलब निकै कम रहेको छ । उनीहरुको एकमहिनाको तलब जम्मा २ सय ३० पाउण्डमात्र रहेको छ । आइफोन बनाइने चाइनाको कम्पनीभित्रका केही तस्विरहरु । यी तस्विरहरु गेटी इमेजबाट साभार गरिएका हुन् ।
