अमेरिकी राजनीतिमा नयाँ मोड: मध्यवधि चुनावसँगै चुलियो रिपब्लिकन र डेमोक्र्याटभित्रको आन्तरिक द्वन्द्व
प्रकाशित मिति : १३ कार्तिक २०८३, शुक्रबार
Photo: Louis Velazquez/ Unsplash
अमेरिकाका प्रमुख राजनीतिक दलहरू अहिले एक महत्त्वपूर्ण दोबाटोमा उभिएका छन्। राष्ट्रपति डोनाल्ड ट्रम्पले रिपब्लिकन पार्टीलाई आफ्नो विचार र शैली अनुकूल ढालिसकेको एक दशकपछि, पार्टीभित्रैबाट उनिविरुद्ध मत परिणाम आउन सक्ने चिन्ता बढेको छ। यसले वर्षौँदेखि ट्रम्प र उनको मेक अमेरिका ग्रेट अगेन अभियानप्रति अन्धभक्त रहेका कन्जर्भेटिभ नेताहरूलाई आफ्नो रणनीति पुनर्विचार गर्न बाध्य तुल्याउन सक्छ। केही रिपब्लिकन उम्मेदवारहरूले त अहिल्यैदेखि ट्रम्पबाट दूरी बनाउन थालिसकेका छन्।
अर्कोतर्फ, मध्यवधि चुनावमा राम्रो नतिजाको अपेक्षा गरे पनि डेमोक्र्याटहरूभित्र पुरानै संस्थापन पक्ष र नयाँ प्रगतिशील पक्षबीच तीव्र मतभेद सुरु भएको छ। प्रगतिशील युवा नेताहरू दलभित्र आमूल र रूपान्तरणकारी परिवर्तनको माग गरिरहेका छन्।
यी मध्यवधि चुनावको परिणाम जसको पक्षमा आए पनि, ट्रम्पको राजनीतिक जीवनको उत्तराद्र्धसँगै देशको भावी राजनीतिक दिशा तय गर्न एक उच्चस्तरीय प्रतिस्पर्धा सुरु हुनेछ। संसद्मा नयाँ प्रतिनिधिहरू भित्रिएसँगै सन् २०२८ को राष्ट्रपतीय निर्वाचनको सरगर्मी पनि तीव्र हुनेछ।
न्यूह्याम्पसयरबाट सिनेटका लागि उम्मेदवार बनेका पूर्वसिनेटर जोन इ. सुनुनुले भनेका छन्, जब ट्रम्पले सत्ता वा राजनीतिको मुख्य मञ्च छाड्नेछन्, त्यसले एक ठूलो शून्यता सिर्जना गर्नेछ। त्यसपछि यो देश कतातर्फ जान्छ भन्ने मूल प्रश्न खडा भएको छ।
आधुनिक रिपब्लिकन पार्टीलाई जोड्ने सबैभन्दा ठूलो शक्ति कुनै निश्चित नीति वा सिद्धान्तभन्दा पनि ट्रम्प आफैँ हुनुहुन्थ्यो। ट्रम्पले रोनाल्ड रिगनको पालादेखि चलेको परम्परागत नीतिको जगलाई पूर्ण रूपमा भत्काइदिनुभएको छ।
व्यापारी पृष्ठभूमिबाट राजनीतिमा आएका ट्रम्पले रिपब्लिकन पार्टीलाई परम्परागत उच्च वर्गबाट मोडेर श्रमजीवी वर्ग, हिस्पानिक, अफ्रिकी-अमेरिकी र युवा मतदाताहरूसम्म विस्तार गर्नुभयो। रिपब्लिकन रणनीतिकार डेभिड अर्बनका अनुसार, यो गठबन्धन चुनावपछि पनि कायम रहन्छ कि रहँदैन भन्ने कुराले नै पार्टीको भविष्य निर्धारण गर्नेछ।
सन् २०२८ को निर्वाचनका लागि रिपब्लिकन पार्टीभित्र उपराष्ट्रपति जेडी भान्स, विदेशमन्त्री मार्को रुबियो, टेक्ससका सिनेटरेड क्रुज, फ्लोरिडाका गभर्नर रोन डिसेन्टिस र ट्रम्पका आलोचक मानिने न्युजर्सीका पूर्वगभर्नर क्रिस क्रिस्टी जस्ता नेताहरूको चर्चा सुरु भएको छ।
तथापि, रणनीतिकार अर्बनको भनाइमा, जस्तोसुकै चुनावी परिणाम आए पनि डोनाल्ड ट्रम्प जीवित रहिन्जेल रिपब्लिकन पार्टीमा उहाँकै प्रभाव र वर्चस्व कायम रहनेछ।
डेमोक्र्याटिक पार्टीले चुनावमा राम्रो प्रदर्शन गर्ने अपेक्षा गरे पनि आगामी दिनमा कसरी अगाडि बढ्ने भन्नेमा उनीहरूबीच एकमत छैन। संस्थापन पक्षले प्रतिनिधि सभाको नेतृत्व सम्हाल्न लागेका हाकिम जेफ्रीज जस्ता नेताहरूको स्वागत गरिरहेका छन्। तर, असन्तुष्ट प्रगतिशील नेताहरू भनेचक सुम) र जेफ्रीज जस्ता नेतृत्वले देशको आवश्यकता बुझ्न नसकेको आरोप लगाउँदै पार्टीभित्रै व्यापक परिवर्तनको माग गरिरहेका छन्।
मेरिल्यान्डका गभर्नर वेस मूरले भने, म सुस्त र नकारात्मक बन्ने पार्टी होइन, बरु जनअपेक्षा अनुसार द्रुत गतिमा परिणाम दिने र काम गर्ने पार्टीको रूपमा डेमोक्र्याटलाई अगाडि बढाउन चाहन्छु।
यसैबीच, चुनावको नतिजा जेसुकै भए पनि बाँकी अवधि र त्यसपछिको अमेरिकी राजनीतिमा ट्रम्प र उनको नीतिको प्रभाव भने गहन नै रहने देखिन्छ।