अमेरिकाको मिचिगनमा चक्कु प्रहार, ११ जना घाइते
प्रकाशित मिति : श्रावण १०, २०८२ शनिबार
अमेरिकाको मिचिगनमा चक्कु प्रहार हुँदा ११ जना घाइते भएका छन । मिचिगन राज्यको ट्राभर्स सिटीमा अवस्थित वालमार्ट स्टोरमा एक व्यक्तिले चक्कु प्रहार गर्दा ११ जना घाइते भएका हुन ।
ग्राण्ड ट्राभर्स काउन्टीका शेरिफ माइकल शिया अनुसार ४२ वर्षे आरोपी मिचिगनका बासिन्दा हुन् । घटना योजनाबद्ध नदेखिएको अधिकारीहरुले बताएका छन ।
वालमार्टको चेकआउट काउन्टर नजिकै घटना सुरु भएको थियो । आरोपीसँग एउटा साधारण फोल्डिङ स्टाइलको चक्कु थियो ।
उनले आकस्मिक रूपमा मानिसहरूलाई आक्रमण गरेका थिए। शेरिफ शियाले पत्रकारहरूलाई जानकारी दिँदै अप्रत्यासित हिंसा भएको बताए ।
घटनापछि पसलमा रहेका केही नागरिकहरूले आक्रमणकारीलाई नियन्त्रणमा लिन सहायता गरेका थिए । शेरिफले पुष्टि गरे अनुसार प्रहरी घटनास्थलमा नआउदै आरोपीलाई नियन्त्रणमा लिइएको थियो।
उत्तरी मिचिगनको अस्पतालका अनुसार ११ जना घाइतेहरूमध्ये ६ जनाको अवस्था जटिल रहेकोछ । ५ जनाको अवस्था पनि सामान्य नरहेको बताइएको छ ।
वालमार्ट नजिकैको स्टोरमा कार्यरत कर्मचारी क्यारी किडका अनुसार, उनी काउन्टरमा काम गरिरहेकी थिइन् जब अचानक मानिसहरू भाग्दै बाहिर निस्कन थाले। “डर लाग्दो त थिएन तर निकै डरलाग्दो थियो,” उनले भनिन्।
मिचिगन स्टेट पुलिस क्राइम ल्याबले एफबीआई लाई पनि अनुसन्धानमा सहभागी गराइएको बताएको छ ।
एफबीआई उप–निर्देशक ड्यान बोंजिनोले सामाजिक सञ्जालमार्फत बताएका छन्, “ग्राण्ड ट्राभर्स काउन्टी शेरिफ कार्यालयलाई आवश्यक सहयोग उपलब्ध गराउन हाम्रो टोली तयारी अवस्थामा छ।” वालमार्ट प्रवक्ताले हिंसा अस्वीकार्य भएको बताएका छन ।
ट्राभर्स सिटीको जनसंख्या करिब १६ हजार छ । मिचिगनको उत्तरतर्फ यो सिटी पर्दछ । यो शहर ग्र्यान्ड र्यापिड्सबाट करिब १५० माइल उत्तरमा र डेट्रॉइटबाट करिब २५५ माइल उत्तरपश्चिममा अवस्थित छ ।