ट्रम्प प्रशासनको कार्यशैलीप्रति न्यायाधीश असन्तुष्ट
प्रकाशित मिति : जेष्ठ २, २०८२ शुक्रबार
अमेरिकी जिल्ला अदालतका न्यायाधीश पाउला जीनिसले ट्रम्प प्रशासनको कार्यशैलीप्रति गम्भीर असन्तुष्टि व्यक्त गरेकी छन्।
अमेरिकाको मेरिल्याण्ड राज्यको ग्रीनबेल्टमा शुक्रबार भएको सुनुवाइमा न्यायाधीश जीनिसले ट्रम्प प्रशासनको कार्यशैलीप्रति असन्तुष्टि जनाएकी हुन ।
उनीले किल्मार अब्रेको गार्सियाको एल साल्भाडोरमा गरिएको अवैध निर्वासनको मुद्दामा प्रशासनको ढिलासुस्ती र अस्पष्टताप्रति कडा आलोचना गरिन्।
गार्सिया एक अमेरिकी नागरिककी श्रीमतीका पति हुन् । उनी २०१९ मा अमेरिकी अदालतबाट निर्वासनबाट सुरक्षा प्राप्त गरेका थिए। तर मार्च २०२५ मा उनलाई प्रशासनले अवैध रूपमा एल साल्भाडोर पठाएको थियो।
न्यायाधीश जीनिसले प्रशासनको ‘राज्य गोपनीयता’ दाबीलाई खारेज गर्दै, यसलाई अस्पष्ट र अपर्याप्त भनेकी छन्। उनले प्रशासनलाई हप्तामा एक पटक अदालतलाई गार्सियाको अवस्थाबारे जानकारी दिन आदेश दिएकी छन्।
यसअघि न्यायाधीशले प्रशासनलाई गार्सियाको अवस्थाबारे तीन प्रमुख प्रश्नहरूको जवाफ दिन निर्देशन दिएकी थिइन् ।
जसमा उनको वर्तमान स्थान, अमेरिकी फिर्तीका लागि प्रशासनले गरेका प्रयासहरू, र भविष्यमा के कदम चालिनेछ भन्ने समावेश छ।
अमेरिकी न्याय मन्त्रालयका वकिलहरूले गार्सियाको अवस्थाबारे जानकारी नदिएको स्वीकार गरेका छन् ।
उनीहरुले यसलाई अन्तरसंस्थागत प्रक्रियाको हिस्सा भएको बताएका छन्। तर न्यायाधीश जीनिसले यसलाई ूखेल खेल्नेू प्रयासको रूपमा लिइन् र प्रशासनलाई थप ढिलाइ नगर्न चेतावनी दिएकी छन्।
यस मुद्दामा अमेरिकी सर्वोच्च अदालतले पनि प्रशासनको निर्णयको आलोचना गर्दै गार्सियाको फिर्तीका लागि आदेश दिएको थियो। तर प्रशासनले अझै गार्सियाको फिर्तीका लागि कुनै ठोस कदम नचालेको आरोप लगाइएको छ।
न्यायाधीश जीनिसले प्रशासनको ढिलासुस्ती र अस्पष्टताप्रति गम्भीर असन्तुष्टि व्यक्त गर्दै यसलाई न्यायको प्रक्रियामा हस्तक्षेपको रूपमा लिइन्।
उनले प्रशासनलाई थप ढिलाइ नगर्न र गार्सियाको फिर्तीका लागि आवश्यक कदम चाँडो चाल्न आदेश दिएकी छन्।