अमेरिका र इजरायलको चेतावनीपछि हमासले रिहा गर्न लागेका तीन बन्धकको नाम सार्वजनिक

खसोखास रिपोर्टर

---

प्रकाशित मिति : फाल्गुन २, २०८१ शुक्रबार

MIDEAST-TULKARM-NUR SHAMS CAMP-ISRAEL-MILITARY OPERATION

युद्धविरामको भविष्य अनिश्चित भइरहेका बेला हमासले शनिबार रिहा गर्न लागेका तीन बन्धकहरुको नाम सार्वजनिक गरेको छ ।

रिहा गरिने बन्धकहरूमा रुसी-इजरायली अलेक्जान्डर ट्रोउफानोभ, अर्जेन्टिनी-इजरायली याएर होर्न, र अमेरिकी-इजरायली सागुई डेकल-चेन रहेका छन्।

हमासले इजरायलमाथि युद्धविराम उल्लंघन गरेको आरोप लगाउँदै बन्धकहरूको रिहाइ स्थगित गर्ने घोषणा गरेपछि इजरायलले तोकिएको समयमा बन्धकहरुलाई नछाडे पुनः हमासविरुद्ध बमबारी सुरु गरि युद्धविराम अन्त्य गर्ने चेतावनी दिएको थियो ।

यस्तै, अमेरिकी राष्ट्रपति डोनाल्ड ट्रम्पले पनि हमासले शनिबार दिउँसोसम्म गाजामा रहेका सबै बन्धकहरूलाई रिहा नगरे युद्धविराम तोडिनुपर्ने बताएका थिए ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

१९ जनवरीदेखि युद्धविराम लागू भएपछि हालसम्म १६ इजरायली र ५ थाईल्यान्डका बन्धकहरू रिहा भएका छन्। यसबापत इजरायलले ५६६ प्यालेस्टिनी कैदीहरूलाई रिहा गरेको छ।

पहिलो ६ हप्ताको चरणमा हमासले ३३ बन्धकलाई छोड्नुपर्नेछ, जसको बदलामा इजरायलले १,९०० प्यालेस्टिनी बन्दीहरू रिहा गर्नेछ।