न्युयोर्कका नेपालीलाई नचाउँदै शान्ति श्री परियार, रचना रिमाल, ज्योति मगर र करिश्मा ढकाल
प्रकाशित मिति : श्रावण २६, २०८१ शनिबार
चारजना नेपाली महिला कलाकारहरु शान्ति श्री परियार, रचना रिमाल ज्योति मगर र करिश्मा ढकालले न्युयोर्कका नेपालीलाई नचाउने भएका छन् । अगस्त १७ शनिबार न्युयोर्कको क्वीन्समा रहेको मेलरोज बलरुममा हुने कार्यक्रमका लागि अहिले टिकट बिक्री धमाधम भइरहेको आयोजकले जानकारी दिएका छन् ।
अब नाच्छ न्युयोर्कको नामको उक्त कार्यक्रम राती ९ बजेदेखि सुरु हुनेछ । कार्यक्रममा सहभागी हुनका लागि ६०, ७० र १०० डलरका टिकटहरु रहेका छन् । पहिले नै टिकट लिनेहरुले ६० डलरमा पाउनेछन् भने कार्यक्रम स्थलमा लिनेले ७० डलर तिर्नुपर्नेछ । १ सय डलरको भीआईपी टिकटमा मिट एण्ड ग्रिटको समेत व्यवस्था छ ।
टिकटका लागि रेडपाण्डा, हिमालयन याक, गोर्खाली, बाजेको सेकुवा, नेपाली मम क्याफे लगायतका रेष्टुरेण्टहरुका साथै शेर्पा इम्प्लोयमेन्ट, मोक्तान डिजिटल, नमस्ते वायरलेस, फ्रेस सेन्ट्रल र सानिमा एक्सप्रेसमा पनि सम्पर्क गर्न सकिनेछ । थप जानकारीका लागि कार्यक्रम आयोजकलाई ६४६ ८५३ १५९८ मा पनि सम्पर्क गर्न सकिनेछ ।
फ्लाइनेपा ट्राभल्सले कलाकारहरुलाई अमेरिका ल्याएको हो भने न्युयोर्कको कार्यक्रमको आयोजक वान प्रोडक्सन रहेको छ । फ्लाइ नेपा ट्राभल्सले विगतमा पनि अब हाँस्छ अमेरिका नामको कार्यक्रमका लागि हाँस्य कलाकारहरु प्रस्तुत गरेको थियो भने अहिले अब नाच्छ अमेरिका कार्यक्रम ल्याएको हो ।
कार्यक्रमका लागि कलाकारहरु यसैसाता अमेरिका आइसकेका छन् भने अमेरिकाका विभिन्न राज्यमा कार्यक्रमहरु गरिने भएको छ । उनीहरुलाई न्युयोर्कमा मगर संघ अमेरिकाले स्वागतका लागि कार्यक्रम गरेको थियो । न्युयोर्कका आयोजक सुरेश पुनले कार्यक्रममा सहभागी भएर मनोरञ्जन लिनका लागि सबै न्युयोर्कबासी र आसपासका नेपालीहरुलाई आव्हान गरेका छन् ।