न्युयोर्कबासीले फायर हाइड्रेन्ट खोल्न लगाएर गर्मीमा शीतलता र मनोरञ्जन पाउनसक्ने
प्रकाशित मिति : असार ७, २०८१ शुक्रबार
के तपाईलाई थाहा छ ? तपाईले न्युयोर्क सिटीमा फायर हाइड्रेन्टहरू गर्मी मौषममा शीतलता र मनोरञ्जनका लागि समेत प्रयोग गर्न सक्नुहुन्छ । तर त्यसका लागि तपाईले स्थानीय फायरहाउसमा सम्पर्क गरेर फायर हाइड्रेन्टहरु खोल्न र स्प्रेक्याप लगाउन अनुरोध गर्नुपर्छ ।
गर्मीको लहरले न्युयोर्क सिटीका बासिन्दालाई प्रभावित पारिरहेको बेला तातो दिनमा फायर हाइड्रेन्ट खोल्नु निकै फाइदाजनक हुनसक्छ । तपाईले कानुनी रूपमा फायर हाइड्रेन्ट खोल्न लगाएर तुरुन्तै ब्लकमा चिसो पानी बगाउन सक्नुहुनेछ । तर तपाईले त्यसका लागि नजिकको फायरहाउसमा गएर अनुरोध गर्नुपर्छ ।
फायर हाइड्रन्ट स्प्रे तातोमा शितलताका लागि एउटा रमाइलो तरिका भएको तर आफैले हाइड्रन्ट खोल्नु सुरक्षित नभएको फायर डिपार्टमेन्टको आधिकारिक सामाजिक सञ्जालमा उल्लेख गरिएको छ । यदि तपाईंको घर नजिकको फायर हाइड्रेन्टमा स्प्रे क्याप छैन भने तपाईंले नजिकैको फायरहाउसमा गएर माग्न सक्नुहुन्छ।
आफैले हाइड्रोन्ट भल्भ खोल्ने प्रयास गर्दा पानीको उपलब्धता कम हुने र यसले पानीको चाप कम गर्ने भएकाले आगलागी भएमा आगो निभाउने प्रयासलाई जटिल बनाउनसक्छ । त्यसैले न्युयोर्कवासीहरूले स्थानीय फायरहाउसहरूमा स्प्रे क्याप प्राप्त गर्न र फायर हाइड्रेन्ट मनोरञ्जनको लागि खोल्न अनुरोध गर्न सक्छन्।
१८ वर्षभन्दा माथिको व्यक्तिले यस्तो अनुरोध गर्नसक्छन् । परिचयपत्र देखाएर फारम भरेपछि फायर हाइड्रेन्ट खुला हुनेछ । अनुरोध गरिसकेपछि फायरहाउसले हाइड्रन्ट खोल्ने र बन्द गर्ने समय निर्धारण गर्नेछ। समयहरू सामान्यतया विहान १० बजे देखि राती ९ बजेको बीचमा हुन्छन्।
यो नक्सामा क्लीक गरेर फायर हाउसमा टिक लगाएपछि नजिकको फायर हाउस पत्ता लगाउन सकिन्छ ।