सीमाक्षेत्रमा विना भिसा आएर शरण खोज्नेहरूका लागि बाइडेन प्रशासनको नयाँ नियममा अदालतको रोक
प्रकाशित मिति : श्रावण ९, २०८० मंगलबार
Migrants cross the Rio Grande towards the U.S.-Mexico border in Ciudad Juarez, Mexico, Tuesday, Dec. 20, 2022. The U.S. Supreme Court issued a temporary order to keep pandemic-era limits on asylum-seekers in place, though it could be brief, as conservative-leaning states push to maintain a measure that allows officials to expel many but not all asylum-seekers. (AP Photo/Christian Chavez)
अमेरिका मेक्सिको सीमा क्षेत्रमा विना भिसा आएर शरण खोज्नेहरुका लागि बाइडेन प्रशासनले ल्याएको नयाँ नियमहरूमा अदालतले रोक लगाएको छ । ओकल्यान्ड क्यालिफोर्नियाका न्यायाधीश जोन टिगरले नियमहरू गैरकानूनी रहेको ठहर गरेका छन् । बाइडेन प्रशासनले शरण खोज्नेहरुमाथि संसदले नचाहेको शर्तहरू थोपरेको संघीय अदालतका न्यायाधिसको निष्कर्ष रहेको छ ।
न्यायाधिसको नयाँ नियममा रोक लगाउने आदेश भने १४ दिनपछिमात्र कार्यान्वयन हुनेछ । उनले बाइडेन प्रशासनलाई अपील गर्ने मौका दिदै आफ्नो आदेश कार्यान्वयनका लागि १४ दिनको समय तोकेका छन् । गत मे महिनामा लागु भएका शरण नियमहरूले मेक्सिको वा अर्को देश हुँदै गैरकानुनी रूपमा सीमा पार गर्ने क्रममा ती देशमा सुरक्षा नखोजीकन अमेरिकामा शरण खोज्ने आप्रवासीहरूलाई शरण पाउन गाह्रो बनाउँदछ ।
न्यायाधिसको आदेशमा पोर्ट अफ इन्ट्रीको बीचबाट विना भिसा अमेरिका प्रवेश गर्ने गैर नागरिकहरूलाई शरणमा पहुँचलाई असर गर्न नहुने उल्लेख गरेका छन् ।
न्यायाधीशको यो निर्णय अप्रत्याशित भने होइन । उनले ट्रम्प प्रशासनको समयमा पनि यस्तै नीति अवरुद्ध गरेका थिए । आप्रवासी अधिवक्ताहरूले अहिले पनि उनलाई बाइडेन प्रशासनको नीति रोक्न आग्रह गरेका थिए।
आप्रवासी अधिवक्ताहरूले उक्त निर्णयलाई शरण खोज्नेहरुका लागि महत्त्वपूर्ण विजयको रूपमा स्वागत गरेका छन् । गत हप्ताको सुनुवाईमा बाइडेन प्रशासनका एक वकिलले बाइडेन प्रशासनको नीति ट्रम्पकालिन नीतिको संस्करण भन्दा फरक रहेको बताएका थिए । बाइडेन प्रशासनको नीतिले सुरक्षा खोज्ने आप्रवासीहरूको लागि नयाँ कानुनी मार्गहरू खोलेको उनको तर्क थियो ।
जस्टिस डिपार्टमेन्टले तुरुन्तै यो फैसलाविरुद्ध अपील गर्ने बताएको छ। जस्टिस डिपार्टमेन्टले अदालतको आजको निर्णयसँग असहमति जनाएको प्रवक्ताले एक विज्ञप्तिमा लेखेका छन् । प्रवक्ताले बाइडेन प्रशासनको नीतिलाई अध्यागमन कानूनद्वारा प्रदान गरिएको व्यापक अधिकारको वैध अभ्यास बताएका छन् ।
बाइडेन प्रशासनले नयाँ नियम लागू भएपछि मे र जुनमा अवैध रूपमा सीमा पार गर्ने आप्रवासीको संख्यामा ह्वात्तै कमी आएको छ। बाइडेन प्रशासनका अनुशार यो गिरावट नयाँ शरण नियमहरूको कारण हो । नयाँ नियम अनुशार विना भिसा आउने आप्रवासीहरुले सीबीपी वान एप्लिकेशन मार्फत पोर्ट अफ इन्ट्रीमा अन्तर्वार्ताका लागि अप्वाइन्टमेन्ट लिन सक्छन् ।
रिपब्लिकन नेतृत्वका राज्यहरूले पनि बाइडेन प्रशासनको सीमा नीतिहरूविरुछ अदालतमा चुनौती दिएका छन् । अध्यागमन अधिकारीहरूले शरण दावी गर्ने धेरै आप्रवासीहरुलाई अमेरिकामा रिहा गरेको उनीहरुको तर्क छ ।